Аляксандр Леанідавіч Чыжэўскі

У Вікіпедыі ёсць артыкулы пра іншых людзей з прозвішчам Чыжэўскі.

Аляксандр Леанідавіч Чыжэўскі (1897, Цеханавец, Гродзенская губерня, цяпер Польшча — 20 снежня 1964) — біяфізік, адзін з заснавальнікаў геліябіялогіі.

Аляксандр Чыжэўскі
руск.: Александр Леонидович Чижевский
Дата нараджэння	26 студзеня (7 лютага) 1897
Месца нараджэння	Цехановец, Мазавецкі павет[d], Ломжынская губерня, Варшаўскае генерал-губернатарства, Расійская імперыя[1]
Дата смерці	20 снежня 1964(1964-12-20)[1][2] (67 гадоў)
Месца смерці	Масква, РСФСР, СССР[1]
Месца пахавання	Пятніцкія могілкі[d]
Грамадзянства	Расійская імперыя  Расійская рэспубліка  РСФСР[d]  СССР
Бацька	Leonid Chizhevsky[d]
Род дзейнасці	вынаходнік, фізік, філосаф, хімік, метэаролаг
Навуковая сфера	Касмічная біялогія, біяфізіка, геліябіялогія[d], касмічнае надвор'е[d] і іянізатар паветра[d]
Альма-матар	Маскоўскі археалагічны інстытут Расійскі эканамічны ўніверсітэт імя Г. В. Пляханава МДУ
Вядомыя вучні	V. N. I︠A︡godinskiĭ[d]
Подпіс
Медыяфайлы на Вікісховішчы

Скончыў Маскоўскі археалагічны інстытут (1917) і Маскоўскі камерцыйны інстытут (1918), вучыўся на фізіка-матэматычным (1915—1919) і медыцынскім факультэтах Маскоўскага ўніверсітэта, дзе і працаваў у 1917—1927 у Лабараторыі зоапсіхалогіі Наркамата асветы Расіі (з 1925, загадчык Цэнтральнай навукова-даследчай лабараторыі іанізацыі з 1931), загадчык лабараторыі Упраўлення будаўніцтвам Палаца Саветаў.

У 1939 абраны ганаровым прэзідэнтам на Першым Міжнародным кангрэсе па біялагічнай фізіцы і касмічнай біялогіі ў Нью-Ёрку. Быў накіраваны Мемарандум пра навуковыя працы Чыжэўскага ад імя кангрэсу ў Нобелеўскі камітэт, але навуковец адмовіўся ад вылучэння на Нобелеўскую прэмію «з этычных матываў».

У 1942 быў рэпрэсаваны, знаходзіўся ў лагерах Свярдлоўскай вобласці Расіі і Казахстана. Рэабілітаваны ў 1958, пасля чаго вярнуўся ў Маскву.

Навуковыя працы па даследаванні ўплыву касмічных фізічных фактараў і ўздзеяння паветраных іонаў (аэронаў) на жывыя арганізмы. Усталяваў залежнасць паміж цыкламі сонечнай актыўнасці і многімі з’явамі ў біясферы.

Навуковыя інтарэсы: касмічная біялогія, біяфізіка, геліябіялогія, касмічнае надвор'е, аэраіаніфікацыя, электрагемадынаміка, электраафарбоўка.

Аўтар успамінаў «Усё жыццё» (1947) і зборніка «Вершы» (1987).

Зноскі

1. Чижевский Александр Леонидович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
2. Alexander Leonidovich Chizhevsky // Who Named It? Праверана 9 кастрычніка 2017.

   <a href='https://wikidata.org/wiki/Track:Q66683'></a>