Аляксандр Паўлавіч Ксёндзаў

Аляксандр Паўлавіч Ксёндзаў (18 жніўня 1954, в. Баравыя, Крупскі раён, Мінская вобласць) — беларускі мастак-жывапісец, графік, прафесар БДАМ.

Алесь Ксёндзаў
Аляксандр Ксёндзаў
Дата нараджэння	18 жніўня 1954(1954-08-18) (71 год)
Месца нараджэння	Баравыя, Крупскі сельсавет, Крупскі раён, Мінская вобласць, Беларуская ССР, СССР
Грамадзянства	СССР → Беларусь
Род дзейнасці	мастак
Месца працы	Беларуская дзяржаўная акадэмія мастацтваў
Жанр	тэматычная карціна, партрэт
Вучоба	Гімназія-каледж мастацтваў імя І. В. Ахрэмчыка (1972) Беларускі дзяржаўны тэатральна-мастацкі інстытут (1978)
Мастацкі кірунак	рэалізм
Уплыў	Г. Х. Вашчанка, А. В. Бараноўскі, М. А. Савіцкі
Член у	Беларускі саюз мастакоў
Узнагароды	За заслугі ў выяўленчым мастацтве[d]
Медыяфайлы на Вікісховішчы

Біяграфія

1965—1972 — Рэспубліканская школа-інтэрнат па выяўленчаму мастацтву імя Івана Ахрэмчыка.

1972—1978 — Беларускі тэатральна-мастацкі інстытут, факультэт манументальна-дэкаратыўнага мастацтва, выкладчыкі — Гаўрыла Вашчанка, Анатоль Бараноўскі.

1980—1984 — творчыя майстэрні жывапісу Акадэміі мастацтваў СССР, выкладчык — Міхаіл Савіцкі.

З 1987 — Член Саюза мастакоў СССР.

З 1994 выкладаў у Беларускай дзяржаўнай Акадэміі мастацтваў, прафесар кафедры жывапісу.

1997 — Гран-пры II міжнароднага сімпозіума імя Марка Шагала, Беларусь.

2003 — Медаль Беларускага саюзу мастакоў «За заслугі ў выяўленчым мастацтве».

2007 — Медаль Францыска Скарыны.

Творы мастака захоўваюцца ў Нацыянальным мастацкім музеі Беларусі, Траццякоўскай галерэі, калекцыі «Дойчэ-Банка» ў Лейпцыгу (ФРГ), калекцыі барона фон Тобля ў Цюрыху (Швейцарыя) і іншых прыватных сборах Беларусі і замежжа^[1].

Мастацкія выставы

• 1989 — «Сакавіцкі апошні снег», Дом кіно, Мінск
• 1991 — «На галерэі», Нацыянальны мастацкі музей Беларусі
• 1993 — «Зямля пад белымі крыламі», галерэя «М-ART», Славенія, г. Марыбар
• 1994 — «Вецер сямі мораў», Нацыянальны мастацкі музей Беларусі
• 1994 — «9 мастакоў», Славакія, г. Нітра
• 1996 — «BelART-TRANSIT», галерэя «Сарт», ЦДМ, Масква
• 1996 — «Майстры Беларусі», галерэя «ARKA», Літва, Вільнюс
• 1999 — «Ню», галерэя «Schtadwerke», Германія, Мюнстэр
• 2000 — «Выкраданне Еўропы», галерэя «Anixis», Швейцарыя
• 2002 — «Сны Арлекіна», галерэя «Мастацтва», Беларусь, Мінск
• 2003 — «Восень у Мінску», галерэя «Anixis», Швейцарыя
• 2005 — «Нараджэнне Венеры», Палац мастацтва, Мінск
• 2007 — «Рэмінісцэнцыі ХХ стагоддзя», Нацыянальная бібліятэка Літвы, Вільнюс
• 2007 — «POST-традыцыя», Дзяржаўная філармонія, Літва, Вільнюс
• 2010 — Персанальная выстаўка, галерэя «Nikolai», Германія, Берлін