Аляксандр Аляксандравіч Шагойка

Аляксандр Шагойка (нар. 27 ліпеня 1980, Мінск) — беларускі футбаліст (абаронца) і трэнер. У цяперашні час працуе трэнерам у клубе «Энергетык-БДУ».

Аляксандр Шагойка
Поўнае імя	Аляксандр Аляксандравіч Шагойка
Нарадзіўся	27 ліпеня 1980(1980-07-27)[1][2] (45 гадоў) Мінск, Беларуская ССР, СССР
Грамадзянства	Беларусь
Рост	180 см
Вага	75 кг[3]
Пазіцыя	абаронца
Інфармацыя пра клуб
Клуб	Энергетык-БДУ
Пасада	трэнер
Клубная кар’ера[* 1]
1998 Рэал (Мінск) 1 (0) 1999—2002 Белшына (Бабруйск) 86 (4) 1999 →  Бярэзіна (Бабруйск) 6 (1) 2003—2007 Гомель 130 (2) 2008—2009 Крыўбас (Крывы Рог) 28 (0) 2009—2010 Гомель 11 (0) 2010 →  Белшына (Бабруйск) 6 (0) 2011—2015 Белшына (Бабруйск) 143 (2) 2016—2019 Іслач (Мінскі раён) 98 (6)
Нацыянальная зборная[* 2]
1999—2001 Беларусь (да 21) 13 (0) 2006 Беларусь 4 (0)
Трэнерская кар’ера
2022 Іслач (Мінскі раён) трэнер 2023 Арсенал (Дзяржынск) трэнер 2023— Энергетык-БДУ (Мінск) трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 кастрычніка 2023. Колькасць гульняў і галоў за нацыянальную зборную ў афіцыйных матчах, адкарэктавана станам на канец 2012

Клубная кар’ера

Пачаў кар’еру ў Мінску, потым гуляў у Бабруйску і Гомелі, правёў два сезона на Украіне.

З 2010 года выступаў за бабруйскую «Белшыну», з 2011 года з’яўляўся яе капітанам. У камандзе звычайна выступаў на пазіцыі правага абаронцы. У снежні 2013 года падоўжыў кантракт з «Белшынай» на два гады^[4]. Выдатна правёў сезон 2015, у якім адгуляў ад пачатку да канца ўсе матчы чэмпіянату, дапамог «Белшыне» заняць высокае чацвёртае месца, а сам з 8 галявымі перадачамі стаў адным з найлепшых асістэнтаў чэмпіянату.

У студзені 2016 года стала вядома, што новае кіраўніцтва «Белшыны» плануе развітацца з большай часткай ігракоў, у тым ліку і Шагойкам^[5]. 4 лютага было абвешчана аб пераходзе абаронцы ў «Іслач»^[6]. У складзе «Іслачы» стаў асноўным апорным паўабаронцам, па выніках сезона быў прызнаны найлепшым іграком каманды^[7].

У студзені 2017 года цікавасць да Шагойкі праяўляў «Слуцк», аднак абаронца падоўжыў кантракт з «Іслаччу»^[8]. У сезоне 2017 заставаўся іграком асновы, спачатку ў якасці апорнага паўабаронцы, пазней стаў гуляць у абароне. У студзені 2018 года падоўжыў пагадненне з клубам яшчэ на год^[9]. Сезон 2019 пачынаў у стартавым складзе, а са жніўня часцей стаў заставацца на лаўцы запасных. У снежні 2019 года па заканчэнні кантракта пакінуў «Іслач»^[10].

Міжнародная кар’ера

Правёў чатыры гульні ў складзе нацыянальнай зборнай Беларусі.

Трэнерская кар’ера

У лютым 2020 года завяршыў кар’еру і стаў трэнерам у юнацкай (U-14) зборнай Беларусі^[11]. Пазней узначальваў таксама каманду 2005 года нарадэжння ў Акадэміі АБФФ.

У ліпені 2022 года ўвайшоў у трэнерскі штаб асноўнай каманды «Іслачы»^[12], дзе працаваў да снежня 2022 года^[13].

У студзені 2023 года стаў трэнерам у дзяржынскім «Арсенале». У ліпені 2023 года разам з усім трэнерскім штабам пакінуў клуб^[14]. У кастрычніку 2023 года пачаў працаваць у «Энергетыку-БДУ»^[15]. У студзені 2024 года разглядаўся як кандыдат на пасаду галоўнага трэнера «Смаргоні»^[16], аднак не дамовіўся з клубам^[17] і вярнуўся ў «Энергетык-БДУ».

У лістападзе 2023 года атрымаў трэнерскую ліцэнзію катэгорыі A^[18].

Дасягненні

• 01 Чэмпіён Беларусі (2): 2001, 2003
• 02 Срэбраны прызёр чэмпіянату Беларусі: 2007
• Уладальнік Кубка Беларусі (2): 1999, 2001
• У спісе 22 найлепшых футбалістаў чэмпіянату Беларусі (5): 2003, 2006, 2007, 2013, 2015

Статыстыка выступленняў

Сезон	Дывізіён	Клуб	Краіна	Матчы	Галы
1998	Д3	Рэал		1	0
1999	Д1	Белшына		18	1
2000	Д1	Белшына		25	0
2001	Д1	Белшына		20	3
2002	Д1	Белшына		23	0
2003	Д1	Гомель		29	0
2004	Д1	Гомель		27	0
2005	Д1	Гомель		25	2
2006	Д1	Гомель		24	0
2007	Д1	Гомель		25	0
2007/2008 (2)	Д1	Крыўбас		11	0
2008/2009	Д1	Крыўбас		18	0
2009 (2)	Д1	Гомель		11	0
2010	Д1	Белшына		6	0
2011	Д1	Белшына		32	0
2012	Д1	Белшына		27	0
2013	Д1	Белшына		29	0
2014	Д1	Белшына		29	1
2015	Д1	Белшына		26	1
2016	Д1	Іслач		25	6
2017	Д1	Іслач		27	0
2018	Д1	Іслач		27	0
2019	Д1	Іслач		19	0