Аляксей Іванавіч Бірычэўскі

Аляксей Іванавіч Бірычэ́ўскі (2 сакавіка 1914, г. Вялікі Усцюг, Расія — 4 сакавіка 1987) — беларускі акцёр. Заслужаны артыст Беларускай ССР (1968).

Аляксей Іванавіч Бірычэўскі
Дата нараджэння	2 сакавіка 1914(1914-03-02)
Месца нараджэння	Вялікі Усцюг, Велікаусцюжскі павет[d], Валагодская губерня, Расійская імперыя
Дата смерці	4 сакавіка 1987(1987-03-04) (73 гады)
Прафесія	акцёр
Тэатр	Гродзенскі абласны драматычны тэатр
Узнагароды

У Вікіпедыі ёсць артыкулы пра іншых людзей з прозвішчам Бірычэўскі.

Біяграфія

Скончыў у 1932 годзе тэатральную студыю ў Архангельску. Працаваў у тэатрах Вялікага Усцюга, Калініна, Ціраспаля і інш. У 1950—1984 гадах у Гродзенскім абласным драматычным тэатры.

Творчасць

Выканаўца характарных роляў. Створаныя ім вобразы вызначаліся арганічнасцю і жыццёвай праўдай. Сярод лепшых роляў беларускага рэпертуару: Снапок («Калі зацвітаюць сады» В. Палескага), Швагераў («Сэрца на далоні» паводле І. Шамякіна), Вартаўнік Варэніч («Трывога» А. Петрашкевіча), Першы кліент («Мілы чалавек» К. Крапівы). Паспяхова выступаў у п’есах А. Астроўскага і М. Горкага.

Літаратура

• Бірычэўскі Аляксей Іванавіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — 704 с. — 3 000 экз. — ISBN 978-985-11-0496-9.
• Бірычэўскі Аляксей Іванавіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).