Аляксей Іосіфавіч Сухавецкі

Аляксей Іосіфавіч Сухавецкі (нар. 2 чэрвеня 1982, Папа, Венгрыя) — беларускі баскетбаліст, трэнер. Разыгрываючы абаронца.

Аляксей Іосіфавіч Сухавецкі
Агульная інфармацыя
Нарадзіўся	2 чэрвеня 1982(1982-06-02)[1] (43 гады) Валожын, Валожынскі раён, Мінская вобласць, Беларуская ССР, СССР
Грамадзянства	Беларусь[1]
Рост	184 см
Вага	84 кг
Пазіцыя	разыгрываючы абаронца
Клубная кар’ера[* 1]
1998—2001 РДВАР 2001—2003 РТІ 2003—2004 БНТУ 2004—2009 Барсы Атырау[d] 2009—2011 Гродна-93 2015—2016 Віталюр
Колькасць гульняў і балаў за прафесійны клуб лічыцца толькі для розных ліг нацыянальных чэмпіянатаў.
Медыяфайлы на Вікісховішчы

Кар’ера

Пачаў займацца баскетболам у 1989 годзе ў Валожыне. Першы трэнер — Леанід Уладзіміравіч Хвядчэня^[2]. У 1992—1994 гадах каманда з Валожына была чэмпіёнам краіны ў сваёй узроставай катэгорыі.

У 1998 годзе трапіў у РВАР, а потым выступаў у мужчынскім чэмпіянаце Беларусі за мінскія клубы: РШВСМ-РВАР (1998/99), РШВСМ-БДПА (1999—2001), РТІ / РТІ-РВАР (2001—2003), «Мінск-БНТУ» (2003/04). З 2004 па 2009 гады гуляў у казахскім клубе «Барсы-Атырау», а 2009—2011 гады правёў у «Гродна-93». Потым яшчэ на год вярнуўся ў Атырау і скончыў прафесійную кар’еру.

Скончыў БДУФК (2004). З 2015 года працаваў дзіцячым трэнерам у «Цмоках», куды яго запрасіў Пётр Леанідавіч Івашкоў. У сезоне 2015/16 быў гуляючым галоўным трэнерам клуба «Віталюр» — чэмпіёна Непрафесійнай баскетбольнай лігі Беларусі^[3][4].

У верасні 2019 года ўвайшоў у трэнерскі штаб БК «Цмокі-Мінск»^[5]. Са снежня 2023 года — выконваючы абавязкі галоўнага трэнера БК «Мінск», з сакавіка па ліпень 2024 года — галоўны трэнер^[6][7]. З чэрвеня 2025 года — галоўны трэнер расійскага клуба ТСК-УРАЛ-УРГУПС (Екацярынбург)^[8].

У верасні 2020 года прызначаны галоўным трэнерам юніёрскай зборнай Беларусі (U-18)^[9]. У лістападзе 2020 года ўвайшоў у трэнерскі штаб мужчынскай зборнай Беларусі^[10].

Дасягненні

У якасці баскетбаліста

• Сярэбраны прызёр чэмпіянату Беларусі (3): 2002/2003, 2009/2010, 2010/2011.
• Сярэбраны прызёр чэмпіянату Казахстана (1): 2011/2012.
• Бронзавы прызёр чэмпіянату Беларусі (1): 2001/2002.
• Бронзавы прызёр чэмпіянату Казахстана (1): 2006/2007.
• Фіналіст Кубка Беларусі (1): 2003.

У якасці трэнера

• Чэмпіён Беларусі (1): 2023/2024.

Зноскі

1. Aliaksei Sukhavetski // FIBA database Праверана 5 чэрвеня 2025.

   <a href='https://wikidata.org/wiki/Track:Q130293317'></a>
2. Первый тренер в судьбе Алексея Суховецкого (нявызн.)(недаступная спасылка). Архівавана з першакрыніцы 11 ліпеня 2022. Праверана 11 ліпеня 2022.
3. Виталюр в шаге от чемпионства. Обзор второго финального матча
4. Виталюр - новый чемпион лиги. Как это было
5. У трэнерскім штабе папаўненне Архівавана 17 ліпеня 2021.
6. Алексей Суховецкий назначен главным тренером мужской команды “МИНСК”
7. Спасибо, Алексей Иосифович!
8. БЕЛОРУССКИЙ ТРЕНЕР АЛЕКСЕЙ СУХОВЕЦКИЙ ВОЗГЛАВИЛ ЕКАТЕРИНБУРГСКУЮ КОМАНДУ "ТСК-УРАЛ-УРГУПС"
9. ИСПОЛКОМ БФБ. ОПРЕДЕЛЕНЫ ГЛАВНЫЕ ТРЕНЕРЫ МОЛОДЁЖНЫХ СБОРНЫХ БЕЛАРУСИ
10. Предквалификация ЧМ-2023. Город на М, но не Минск (нявызн.)(недаступная спасылка). Архівавана з першакрыніцы 11 ліпеня 2022. Праверана 11 ліпеня 2022.