Алібек Мусаевіч Днішаў

Алібек Мусаевіч Днішаў (нар. 30 ліпеня 1951, Алматы) — казахскі спявак (тэнар). Народны артыст Казахскай ССР (1981), народны артыст СССР (1986). Герой Працы Казахстана (2021).

Алібек Мусаевіч Днішаў
Дата нараджэння	30 ліпеня 1951(1951-07-30) (74 гады)
Месца нараджэння	Алматы, Алмацінская вобласць, Казахская ССР, СССР
Грамадзянства	СССР  Казахстан
Адукацыя	Казахская нацыянальная кансерваторыя імя Курмангазы
Прафесія	оперны спявак
Прэміі
Узнагароды
Медыяфайлы на Вікісховішчы

Біяграфія

Алібек Днішаў нарадзіўся 30 ліпеня (па іншых крыніцах — 7 ліпеня) 1951 года ў Алма-Аце. Быў чацвёртым, малодшым сынам у змешанай казахска-татарскай сям’і. Паходзіць з роду байбакты племя байулы.^[1]

Музычную адукацыю атрымаў у музычнай школе, дзе вучыўся граць на акардэоне. Пасля школы скончыў дырыжорска-харавы факультэт Алма-Ацінскага музычнага вучылішча імя П. І. Чайкоўскага. Паступаў у Ленінградскую кансерваторыю, але не быў прыняты. Паступіў у Казахскую нацыянальную кансерваторыю імя Курмангазы па класе вакалу ў Надзеі Шарыпавай, якую скончыў у 1976 годзе.

З 1976 года — саліст Казахскай філармоніі  (руск.), з 1978 года — Казахскага тэатра оперы і балета.

Алібек Днішаў вядзе разнастайную канцэртную дзейнасць і шмат гастралюе. Выступаў з камернымі праграмамі ў найбуйнейшых залах Еўропы, прымаў удзел у спектаклях Вялікага тэатра ў Маскве.

Гастраляваў з канцэртнымі праграмамі па гарадах СССР і за мяжой (Чэхаславакія, Алжыр, Перу, Куба, Партугалія, Фінляндыя, Швецыя, Марока, Ірак, Балгарыя і інш.).

Дэпутат Вярхоўнага Савету Казахскай ССР 11-га скліканьня.

У 1998 годзе заснаваў і ўзначаліў «Тэатр і акадэмію вакалу Алібека Днішава».

З красавіка 2006 года — кіраўнік ТАА «Раніла-Казахстан».

Член Рэспубліканскага грамадскага штаба кандыдата ў Прэзідэнты Рэспублікі Казахстан Н. А. Назарбаева (09.2005-12.2005).

Кандыдат у дэпутаты Мажыліса Парламента Рэспублікі Казахстан V склікання па партыйным спісе Народна-Дэмакратычнай партыі «Нур Атан» (07.12.2011).

Сям’я

• Бацька — Муса Букенбаевіч Днішаў, родам з Заходняга Казахстана, вёскі Казталоўка пад Уральскам. Быў інтэлігентным і адукаваным чалавекам. Да вайны працаваў карэспандэнтам газеты «Леніншіл жас», а з пачаткам вайны перайшоў у вайсковую газету «Чызыў армія». Пасля вайны ў Алма-Аце заснаваў рэспубліканскі часопіс «Мідзеніе жүне тұрмыс» («Культура і жыццё», цяперашняя назва «Парасат»), дзе доўгія гады працаваў галоўным рэдактарам. Адзін час быў намеснікам міністра культуры Казахскай ССР.^[2]
• Маці — Каміля Абдуліна, па нацыянальнасці татарка, родная сястра вядомых казахстанскіх оперных спевакоў, братоў-блізнят, народнага артыста СССР Рышата Абдуліна (1916—1988) і народнага артыста Казахскай ССР Мусліма Абдуліна (1916—1999).
• Жонка — Марыя (Марына) Іскандэраўна Днішава (народжаная Тынышпаева), сурдапедагог, унучка Мухамеджана Тынышпаева.
• Дзве дачкі.

Творчасць

Мае моцны голас прыгожага мяккага тэмбру, вялікага дыяпазону.

Выконвае галоўныя партыі тэнаровага рэпертуару ў операх класікаў, сучасных айчынных і замежных кампазітараў. Сярод іх — Тулеген («Кыз Жыбек» Я. Брусілоўскага), Ленскі («Яўген Анегін» П. Чайкоўскага), Альфрэд («Травіята» Дж. Вердзі) і інш.

У канцэртным рэпертуары неапалітанскія, рускія народныя песні, рамансы.

Узнагароды

• Лаўрэат Усесаюзнага конкурсу вакалістаў імя Глінкі  (руск.) (1975)
• Лаўрэат міжнароднага конкурса імя Р. Шумана  (руск.) (г. Цвікаў, Германія, 1977)
• Лаўрэат міжнароднага конкурса вакалістаў у Рыа-дэ-Жанэйра (1979)
• Народны артыст Казахскай ССР (1979)
• Прэмія Ленінскага камсамола  (руск.) (1979)
• Медаль «За працоўную доблесць» (1980) — за вялікую працу па падрыхтоўцы і правядзенні Гульняў XXII Алімпіяды^[3]
• Народны артыст СССР (1986)
• Ордэн Парасат (1996)^[4]
• Дзяржаўная прэмія міру і прагрэсу Першага Прэзідэнта Рэспублікі Казахстан — Лідэра нацыі (2001)^[5]
• Незалежная агульнанацыянальная прэмія «Тарлан» («Плацінавы Тарлан» у раздзеле «Музыка», «Клуб мецэнатаў Казахстана», 2003)
• Медаль «10 гадоў Астане» (2008)
• Медаль «20 гадоў незалежнасці Рэспублікі Казахстан» (2011)
• Ордэн Атан (2011)^[6]
• Дзяржаўная прэмія Рэспублікі Казахстан у галіне літаратуры і мастацтва (2012) — за канцэртную праграму, прысвечаную 65-годдзю Перамогі ў Вялікай Айчыннай вайне
• Ганаровы грамадзянін Алма-Аты (2014)
• Званне «Қазақстанның Еңбек Ері» з уручэннем знака асаблівага адрознення Залатой зоркі (Алтын жұлдыз) — за асаблівыя заслугі ў развіцці айчыннай культуры і папулярызацыі музычнага мастацтва і ў сувязі з 70-годдзем з дня нараджэння (2021)^[7]
• Юбілейны нагрудны знак «50 гадоў гораду Аксу» (Аксу, Паўладарская вобласць).