Амур чорны

Аму́р чорны (Mylopharyngodon piceu) — від рыб сямейства карпавых.

Амур чорны
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Ostariophysi Серыя:  Otophysi Атрад:  Карпападобныя Надсямейства:  Карпападобныя Сямейства:  Карпавыя Род:  Mylopharyngodon Peters, 1881 Від:  Амур чорны
Міжнародная навуковая назва
Mylopharyngodon piceus Richardson, 1846
Сістэматыка на Віківідах Выявы на Вікісховішчы ITIS   639618 NCBI   75356 EOL   204589

Апісанне

Даўжыня да 120 см, маса да 30 кг. Цела падоўжанае, спінны і анальны плаўнікі кароткія. Луска буйная. Спіна амаль чорная, бруха крыху святлейшае. Галава невялікая, рот канечны. Глотачныя зубы масіўныя, з добра развітымі жавальнымі паверхнямі, размешчаны ў адзін ці два рады.

Пашырэнне

Цеплалюбівая рыба. Пашыраны ва Усходняй Азіі ад ракі Амур да Паўднёвага Кітая. Добра расце ў сажалках. На Беларусі работы па гадоўлі пачаты ў 1977 годзе ў Белаазёрскай садковай рыбнай гаспадарцы і рыбгасе «Вілейка».

Асаблівасці біялогіі

Корміцца пераважна малюскамі.

Палавой спеласці дасягае на 7—9-м годзе жыцця пры даўжыні каля 70 см. Нераст у чэрвені— ліпені. У прыродных умовах нерастуе пры тэмпературы вады 26—30 °C. Ікра пелагічная, развіваецца ў прыдоннай зоне рэк пакуль скочваецца ўніз па цячэнні. Чорны амур расце хутка, у 1-гадовым узросце даўжыня да 10 см.

Промысел і развядзенне

Перспектыўны для зарыблення азёр і сажалак і для прафілактыкі паразітарных хвароб, прамежкавыя гаспадары якіх — малюскі.

Літаратура

• Жукаў П. І. Амур чорны // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
• Гричик В. В., Бурко Л. Д. Животный мир Беларуси. Позвоночные: учеб. пособие. — Мн.: Изд. центр БГУ, 2013. — 399 с. ISBN 978-985-553-128-0