Амяльнянскі біялагічны заказнік

Амяльня́нскі біялагі́чны зака́знік — біялагічны заказнік на вярховым балоце Парэцкі Мох, месціцца ў Пухавіцкім раёне Мінскай вобласці Беларусі, на захад ад аграгарадка Вомельна, на поўдзень ад аграгарадка Гарэлец, каля ракі Пціч.

Амяльнянскі біялагічны заказнік
Размяшчэнне	Беларусь[1]
Плошча	2 011 га[2]
Дата заснавання	16 жніўня 1979[2]

Заснаваны ў 1979 годзе для захавання месцаў росту журавін. Ахоўная зона каля 2 тыс. га^[3]. У раслінным покрыве пераважаюць хваёва-сфагнавыя фітацэнозы. На ўскраінах і «астраўках» балота — хваёвыя, хваёва-бярозавыя і асінава-яловыя лясы. Шматлікі балотны верас, на прылеглых да балота сырых лугавінах вялікая папуляцыя касача сібірскага.

У 2007 годзе нададзены статус рэспубліканскага заказніка^[3].