Анатоль Іванавіч Лукашоў

Анатоль Іванавіч Лукашоў (нар. 14 жніўня 1960, с. Вялікі Бор, Гардзееўскі раён, Бранская вобласць, РСФСР) — беларускі дзяржаўны дзеяч.

Анатоль Іванавіч Лукашоў
Старшыня Дубровенскага раённага выканаўчага камітэта люты 2005 — 2016
Прэзідэнт	Аляксандр Лукашэнка
Пераемнік	Алег Міхайлавіч Лындзін
Дэпутат Палаты прадстаўнікоў Нацыянальнага сходу Рэспублікі Беларусь VI склікання 11 кастрычніка 2016 — 2019
Прэзідэнт	Аляксандр Лукашэнка
Кіраўнік урада	Андрэй Кабякоў
Старшыня Дубровенскага раённага выканаўчага камітэта з 15 кастрычніка 2019
Прэзідэнт	Аляксандр Лукашэнка
Папярэднік	Алег Міхайлавіч Лындзін
Нараджэнне	14 жніўня 1960(1960-08-14) (65 гадоў) Вялікі Бор, Гардзееўскі раён, Бранская вобласць, РСФСР, СССР
Партыя	незалежны кандыдат[d]
Адукацыя	Віцебскі ветэрынарны інстытут (1982) Акадэмія кіравання пры Прэзідэнце Рэспублікі Беларусь (2006)
Узнагароды	ганаровая грамата Нацыянальнага сходу Рэспублікі Беларусь Чалавек года Віцебшчыны[d] (2014)

У Вікіпедыі ёсць артыкулы пра іншых людзей з прозвішчам Лукашоў.

Біяграфія

У 1982 годзе скончыў Віцебскі ветэрынарны інстытут па спецыяльнасці «Ветэрынарыя». У 1982—1984 гадах служыў у Групе Савецкіх войскаў у Германіі^[1].

З 1984 года звязаў сваё жыццё з сельскай гаспадаркай. Працаваў галоўным ветэрынарным урачом саўгаса «Гардзееўскі» Клінцоўскага раёна Бранскай вобласці і саўгаса «Арловічы» Дубровенскага раёна Віцебскай вобласці; з 1996 года старшынёй калгаса «Герой працы» Дубровенскага раёна^[1].

У 2002 годзе прызначаны першым намеснікам старшыні, начальнікам упраўлення сельскай гаспадаркі і харчавання Дубровенскага райвыканкама^[1]. З лютага 2005 года старшынёй Дубровенскага райвыканкама^[2].

У 2006 годзе скончыў Акадэмію кіравання пры Прэзідэнце Рэспублікі Беларусь па спецыяльнасці «Кіраванне прадпрыемствамі аграпрамысловага комплексу»^[1].

З 2016 года дэпутат Палаты прадстаўнікоў Нацыянальнага сходу Рэспублікі Беларусь VI склікання ад Сенненскай выбарчай акругі № 30.

15 кастрычніка 2019 года зноў прызначаны старшынёй Дубровенскага райвыканкама^[3].

Беспартыйны.

Узнагароды

Узнагароджаны медалём «За працоўныя заслугі», Ганаровай граматай Нацыянальнага сходу Рэспублікі Беларусь, Ордэнам Пашаны. У 2014 годзе прысвоена званне «Чалавек года Віцебшчыны».

Сям’я

Жанаты, мае дачку і сына.

Зноскі

1. ЛУКАШОВ АНАТОЛИЙ ИВАНОВИЧ (Сенненский избирательный округ № 30)
2. Местное управление и самоуправление. Лукашов Анатолий Иванович
3. Лукашэнка зладзіў невялікі кадравы аўторак