Анатоль Міхайлавіч Генералаў

У Вікіпедыі ёсць артыкулы пра іншых людзей з прозвішчам Генералаў.

Анатоль Міхайлавіч Генера́лаў^[1] (31 сакавіка 1923, станіца Пацёмкінская, Кацельнікаўскі раён  (руск.), Валгаградская вобласць — 8 ліпеня 2007, Мінск) — беларускі артыст оперы (барытон). Народны артыст БССР (1963)^[2]. Брат У. М. Генералава^[1].

Анатоль Міхайлавіч Генералаў
руск.: Анатолий Михайлович Генералов
Дата нараджэння	31 студзеня 1923(1923-01-31)
Месца нараджэння	Пугачоўская, Другая Данская акруга[d], Царыцынская губерня[d], РСФСР, СССР
Дата смерці	8 ліпеня 2007(2007-07-08) (84 гады)
Грамадзянства	СССР  Беларусь
Адукацыя	Расійская акадэмія музыкі імя Гнесіных[d] (1954)
Прафесія	спявак, выкладчык універсітэта
Гады актыўнасці	з 1954
Тэатр	Дзяржаўны акадэмічны Вялікі тэатр оперы і балета БССР Беларуская дзяржаўная акадэмія музыкі
Узнагароды

Біяграфія

Нарадзіўся ў станіцы Пацёмкінская (сучасная Пугачоўская ў Кацельнікаўскім раёне Валгаградскай вобласці Расіі). Скончыў сярэднюю школу. Удзельнік Вялікай Айчыннай вайны з 1942 года, пехацінец і сувязіст^[3]. Быў паранены^[3]. Пасля дэмабілізацыі прыехаў у Краснадар і паступіў у музычнае вучылішча, у якім правучыўся адзін семестр і камісіяй з Масквы быў адабраны для вучобы ў Музычна-педагагічным інстытуце імя Гнесіных^[3]. Скончыў Музычна-педагагічны інстытут імя Гнесіных  (руск.) у 1954 годзе (клас Генадзя Адэна). У 1954—1981 гадах саліст Дзяржаўнага тэатра оперы і балета БССР. У 1976—2007 гадах выкладаў у Беларускай кансерваторыі^[2], з 1990 года — прафесар кафедры спеваў^[3].

Творчасць

Валодаў моцным прыгожым мяккага тэмбру драматычным барытонам, натуральнасцю сцэнічнай выразнасці, яркім тэмпераментам. Стварыў яркія вобразы ў операх — Князь Ігар («Князь Ігар» А. Барадзіна), Рыгалета і Аманасра («Рыгалета» і «Аіда» Д. Вердзі), Змітрок і Апанас («Міхась Падгорны» і «Алеся» Я. Цікоцкага), Сцяпан («Яснае світанне» А. Туранкова), Дзяніс Давыдаў («Надзея Дурава» А. Багатырова), Чалхія («Міндзія» А. Тактакішвілі  (руск.)), Альфіа («Сельскі гонар  (руск.)» П. Масканьі) і інш. Выканаўца ролі У. І. Леніна на беларускай опернай сцэне («Кастрычнік» В. Мурадэлі  (руск.), «У буру» Ц. Хрэннікава)^[2].

Узнагароды

• Ордэн Пашаны (11 лютага 2003) — за вялікі асабісты ўклад работнікаў установы адукацыі «Беларуская дзяржаўная акадэмія музыкі» ў развіццё музычнага мастацтва, падрыхтоўку творчых кадраў^[4].
• Узнагароджаны Ордэнам Айчыннай вайны, медалямі.