Андрэй Іванавіч Балыш

Андрэй Іванавіч Балыш (нар. 20 верасня 1988, в. Суцькава, Смаргонскі раён) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Андрэй Іванавіч Балыш
Нараджэнне	20 верасня 1988(1988-09-20) (37 гадоў) Суцькава, Сінькоўскі сельсавет, Смаргонскі раён, Гродзенская вобласць, Беларуская ССР, СССР
Адукацыя	Беларуская дзяржаўная сельскагаспадарчая акадэмія Акадэмія кіравання пры Прэзідэнце Рэспублікі Беларусь
Месца працы	Гарадоцкі дзяржаўны аграрна-тэхнічны каледж Віцебскі занальны інстытут сельскай гаспадаркі НАН Беларусі

У Вікіпедыі ёсць артыкулы пра іншых людзей з прозвішчам Балыш.

Біяграфія

Нарадзіўся 20 верасня 1988 года ў в. Суцькава Смаргонскага раёна Гродзенскай вобласці^[1].

Скончыў Беларускую дзяржаўную сельскагаспадарчую акадэмію па спецыяльнасці «Аграномія»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне»; аспірантуру Навукова-практычнага цэнтра Нацыянальнай акадэміі навук Беларусі па земляробстве па спецыяльнасці «Раслінаводства»^[1].

Працаваў загадчыкам вучэбнай гаспадаркі Гарадоцкага дзяржаўнага аграрна-тэхнічнага каледжа; навуковым супрацоўнікам аддзела збожжавых, зернебабовых і крупяных культур, галоўным аграномам аддзела палявога і тэхнічнага забеспячэння, загадчыкам аддзела бульбаводства, намеснікам дырэктара па вытворчасці, дырэктарам Віцебскага занальнага інстытута сельскай гаспадаркі Нацыянальнай акадэміі навук Беларусі^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Гарадоцкай акругі № 21. Член Пастаяннай камісіі па аграрнай палітыцы^[1].

Узнагароды

Узнагароджаны памятным знакам «У гонар 90-годдзя Нацыянальнай акадэміі навук Беларусі»^[1].

Сям'я

Жанаты, мае сына і дзвюх дачок.

Зноскі

1. Біяграфія на сайце Палаты прадстаўнікоў Нацыянальнага сходу Рэспублікі Беларусь