Андрэй Уладзіміравіч Архіпаў

У Вікіпедыі ёсць артыкулы пра іншых людзей з прозвішчам Архіпаў.

Андрэй Архіпаў (нар. 6 лютага 1995) — беларускі футбаліст, абаронца польскага клуба ЛКС з Явішавіцаў.

Андрэй Архіпаў
Поўнае імя	Андрэй Уладзіміравіч Архіпаў
Нарадзіўся	6 лютага 1995(1995-02-06) (30 гадоў) Паставы, Пастаўскі раён, Віцебская вобласць, Беларусь
Грамадзянства	Беларусь
Рост	176 см
Пазіцыя	абаронца
Інфармацыя пра клуб
Клуб	ЛКС (Явішавіцы)
Маладзёжныя клубы
0000—2012 ПМЦ (Паставы) 2013 БАТЭ (Барысаў)
Клубная кар’ера[* 1]
2014—2018 Прамень (Мінск) 89 (1) 2019 Вісьлане (Яськавіцы) 2019 Бахэнскі КС 2020 Ліда 18 (0) 2021 Падлясе (Бяла Падляска) 2023— ЛКС (Явішавіцы)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 красавіка 2024.

Клубная кар’ера

Выхаванец пастаўскай акадэміі ПМЦ, выступаў таксама за юнацкую каманду БАТЭ. У сезоне 2014 далучыўся да мінскага «Промня», які выступаў у Другой лізе. На наступны год замацаваўся ў аснове і разам з камандай выйграў турнір. У 2016—2017 гадах гуляў за «Прамень» у Першай лізе, быў трывалым іграком стартавага складу і дапамог камандзе выйсці ў Вышэйшую лігу.

Сезон 2018 пачынаў у стартавым складзе сталічнай каманды, аднак з мая згубіў месца ў аснове. З верасня стаў выступаць за дубль. У студзені 2019 года пакінуў «Прамень»^[1] і неўзабаве далучыўся да польскага клуба «Вісьлане». Пазней выступаў таксама за «Бахэнскі КС».

У лютым 2020 года вярнуўся ў Беларусь, стаўшы іграком «Ліды»^[2]. Пакінуў клуб у кастрычніку 2020 года і пераехаў у Польшчу^[3], дзе ў пачатку 2021 года папоўніў склад клуба «Падлясе». Гуляў у гэтым клубе да канца сезона 2020/21.

У пачатку 2023 года далучыўся да ЛКС з Явішавіцаў.

Дасягненні

• Пераможца Першай лігі чэмпіянату Беларусі: 2017
• Пераможца Другой лігі чэмпіянату Беларусі: 2015

Статыстыка выступленняў

Сезон	Дывізіён	Клуб	Краіна	Матчы	Галы
2014	Д3	Прамень		3	0
2015	Д3	Прамень		20	1
2016	Д2	Прамень		25	0
2017	Д2	Прамень		29	0
2018	Д1	Прамень		12	0
2020	Д2	Ліда		18	0

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[4].