Аперацыя «Непахісная рашучасць»

Аперацыя «Непахісная рашучасць» (англ.: Operation Inherent Resolve, OIR) — ваенная аперацыя ўзброеных сіл ЗША і іх саюзнікаў супраць міжнароднай тэрарыстычнай арганізацыі «Ісламская дзяржава». Фінансавае, разведвальнае і матэрыяльна-тэхнічнае забеспячэнне і палітычную падтрымку аперацыі ажыццяўлялі больш за 20 краін^[11]. За першы год для правядзення аперацыі кааліцыя выдаткавала больш за 3 млрд долараў^[12].

Аперацыя «Непахісная рашучасць»
Асноўны канфлікт: Ваенная аперацыя супраць Ісламскай дзяржавы, Грамадзянская вайна ў Іраку, Інтэрвенцыя ЗША і іх саюзнікаў у Сірыі, Барацьба з тэрарызмам у Іраку пасля 2017 года
Узлёт палубных штурмавікоў F-18 з палубы авіяносца «Карл Вінсан» (кастрычнік 2014)
Дата	з 8 жніўня 2014
Месца	Ірак, / Сірыя
Вынік	Сілы ІД выбітыя з Ірака ў Сірыю
Праціўнікі
ЗША  Аўстралія  Нідэрланды  Вялікабрытанія  Канада  Францыя  Бельгія  Данія  Іарданія  Саудаўская Аравія  ААЭ  Польшча (з чэрвеня 2016[1]) Ісламская дзяржава Узброеныя сілы ІД
Камандуючыя
Джо Байдэн (з 2021) Дональд Трамп (2017—2021) Барак Абама (2014—2017) Чак Хэйгел (2014—2015) Эштан Картэр (2015—2017) Джэймс Мэціс (з 2017) Лойд Осцін (2014—2016) Джозэф Вотэл (з 2016)   Абу Бакр аль-Багдадзі † Абу Ібрагім аль-Хашымі аль-Курашы †
Сілы бакоў
5 000 9 000 — 200 000 (у розны час)
Страты
У Іраку 74 амерыканскія ваеннаслужачыя забіты[2][3][4] У Сірыі 29—31 амерыканскіх ваеннаслужачых забіта (1 па небаявых прычынах)[5] У Іраку 32 000[6]—80 000[7] баевікоў ІД забіты У Сірыі 5 700 баевікоў ІД забіты[8]
Агульныя страты
1 370—13 125 грамадзянскіх загінулі ад дзеянняў кааліцыі[9][10]
Медыяфайлы на Вікісховішчы

Ход аперацыі

Аперацыя пачалася 8 жніўня 2014 года з авіяўдараў. У адпаведнасці са справаздачай міністэрства абароны ЗША за перыяд 2014—2015 гады ў нанясенні авіяцыйных удараў былі задзейнічаны ВПС ЗША, Аўстраліі, Канады, Даніі, Францыі, Іарданіі, Нідэрландаў, Вялікабрытаніі, Бахрэйна, Саудаўскай Аравіі і ААЭ. Акрамя гэтага ў знішчэнні інфраструктуры ісламістаў прыцягваліся караблі ВМС ЗША, разгорнутыя ў акваторыі Чырвонага мора і Персідскага заліва^[13].

Па дадзеных на 20 жніўня 2015 года было праведзена 6 228 авіяўдараў, з якіх 3 847 прыйшліся на тэрыторыю Ірака, a 2 381 — па тэрыторыі Сірыі. Па дадзеных на 7 жніўня 2015 года, было знішчана больш за 10 тысяч мэтаў, з якіх 119 танкаў, 340 лёгкіх грузавікоў HMMWV, 2 577 агнявых пазіцый і т. д. Поўны кошт аперацыі да 31 ліпеня 2015 года дасягнуў 3,5 млрд долараў, што ў сярэднім складае 9,8 млн долараў у дзень на працягу 357 дзён аперацыі^[14]. З амерыканскіх эсмінцаў па аб’ектах тэрарыстаў былі выпушчаны 47 крылатых ракет^[11].

5 лютага 2018 года ЗША пачалі вывад войск з Ірака^[15], аднак некаторая частка кантынгенту (5 000 чалавек) засталася.

4 мая 2018 гадоў у рамках аперацыі «Непахісная рашучасць» самалёты з авіяносца ЗША «Гары Трумэн», які знаходзіліся ў Міжземным моры^[16], нанеслі ўдары па тэрарыстах «Ісламскай дзяржавы» ў Сірыі^[17].

5 студзеня 2020 года, пасля абвастрэння амерыкана-іранскага канфлікту, іракскі парламент прагаласаваў за вывад замежных войск з краіны^[18]. Аднак амерыканскі прэзідэнт Д. Трамп адмовіўся выводзіць ваенныя кантынгенты, пакуль Ірак не заплаціць за пабудаваныя амерыканцамі базы, у адваротным выпадкі на краіну будуць накладзеныя магутныя санкцыі^[19].

Авіяцыя

• ЗША: В-1В, F-15E, F-16A, F-22A, F/A-18, AV-8B, KC-135R, RC-135
• Аўстралія: F/A-18
• Бельгія: F-16А^[20]
• Канада: CF-18А
• Данія: F-16A
• Францыя: Рафаль, KC-135FR, Атлантыка-2
• Нідэрланды: F-16A
• Вялікабрытанія: RC-135W, Тарнада GR4, Вояджэр КС2 / 3
• Бахрэйн: F-16A
• Саудаўская Аравія: F-15S
• ААЭ: Міраж, F-16A

Назва аперацыі

Афіцыйная назва аперацыі была дадзена толькі праз два месяцы пасля яе пачатку^[11]. Прадстаўнікі камандавання ўзброеных сіл ЗША заявілі: «назва аперацыі заклікана адлюстраваць сабой непахісную рашучасць і глыбокую прыхільнасць ЗША і краін-партнёраў у рэгіёне, а таксама ва ўсім свеце да знішчэння тэрарыстычнай групоўкі ІДІЛ і ліквідацыі пагрозы, якую яна прадстаўляе для Іраку, рэгіёна і ўсёй сусветнай супольнасці»^[11].

Крытыка

Расійскі палітолаг Аляксандр Храмчыхін вельмі скептычна ацэньваў намаганні міжнароднай кааліцыі пры правядзенні аперацыі «Непахісная рашучасць». Паводле яго, мэта аперацыі «Непахісная рашучасць» — не разграміць «халіфат», а выціснуць яго з Ірака ў Сірыю^[21].