Ардышэва

Ардышэ́ва — возера ў Сенненскім раёне Віцебскай вобласці Беларусі ў басейне ракі Лучоса.

Ардышэ́ва
Морфаметрыя
Вышыня над узроўнем мора	168,0[1] м
Даўжыня	1,22 км
Шырыня	0,74 км
Плошча	0,52 км²
Аб’ём	0,00086 км³
Даўжыня берагавой лініі	3,2 км
Найбольшая глыбіня	2,4 м
Сярэдняя глыбіня	1,6 м
Гідралогія
Салёнасць	0,08 ‰
Празрыстасць	0,8 м
Басейн
Плошча вадазбору	6 км²
Упадаюць	ручай
Выцякаюць	Зелянуха, Ардышэўка, Глухая
Размяшчэнне
Краіна	Беларусь
Ардышэ́ва
Ардышэ́ва

Плошча паверхні возера 0,52 км², даўжыня 1,22 км, найбольшая шырыня 0,74 км. Сярэдняя глыбіня каля 1,6 м, найбольшая — 2,4 м.
Катлавіна возера рэшткавага тыпу. Схілы катлавіны вышынёй да 3 метраў, спадзістыя. Берагавая лінія слабазвілістая. Берагі сплавінныя. Пойма шырынёй да 30 м.
Дно возера выслана сапрапелем, месцамі ўздоўж берагоў вузкія пясчаныя палосы. Возера Ардышэва дыстрафіруючае, слабапраточнае. Зарастае слаба да глыбіні ў 1 м. Шырыня паласы расліннасці да 100 метраў. З возера выцякаюць рэкі Зелянуха, Ардышэўка і Глухая (злучае Ардышэва з Дзевінскім возерам). Упадае ручай.

У возеры водзяцца шчупак, лешч, карась, плотка, карп, акунь і іншыя віды рыб.

Бліжэйшы населены пункт — вёска Сафіёўка Аршанскага раёна (за 2,5 км на паўднёвы захад ад возера). На беразе возера паляўніча-рыбалоўная база.

Зноскі

1. Ліст карты N-36-37. Выданне 1986 года. Стан мясцовасці на 1981 год. (руск.)