Артурс Дзімітэрс

Артурс Дзімітэрс (лат.: Artūrs Dimiters; 27 красавіка 1915, Віцебск — 1 лістапада 1986) — латвійскі акцёр тэатра і кіно. Народны артыст Латвійскай ССР (1983).

Артурс Дзімітэрс
лат.: Artūrs Dimiters
Род дзейнасці	акцёр, кінаакцёр
Дата нараджэння	27 красавіка 1915(1915-04-27)
Месца нараджэння	Віцебск, Віцебская губерня, Расійская імперыя
Дата смерці	1 лістапада 1986(1986-11-01) (71 год)
Месца смерці	Рыга, Латвійская Савецкая Сацыялістычная Рэспубліка, СССР
Месца пахавання	могілкі Райніса[d]
Грамадзянства	Расійская імперыя  Латвія  СССР
Жонка	Džemma Skulme[d] і Вія Артманэ
Дзеці	Kaspars Dimiters[d] і Kristiana Dimitere[d]
Узнагароды і прэміі

Біяграфія

Нарадзіўся 27 красавіка 1915 года, у Віцебску. Вучыўся ў Латвіі на курсах драматычных актораў (1933). У 1935—1940 з перапынкамі працаваў у Валміерскім тэатры (Паўночналатвійскі тэатр). У сезоне 1936—1937 выступаў на сцэне Ліепайскага тэатра. З 1940 акцёр тэатра Дайлес (Мастацкі акадэмічны тэатр імя Я. Райніса) у Рызе.

У пачатку творчай кар’еры быў характэрным акцёрам, аддаючы перавагу ролям, дзе можна было раскрыць прыроду ўнутраных супярэчнасцей чалавечых учынкаў. Такімі былі Морцімер у драме Фрыдрыха Шылера «Марыя Сцюарт», Рамэа ў «Рамэа і Джульеце» Уільяма Шэкспіра (абедзве 1943) і Уладзімір Дуброўскі ў «Дуброўскім» Аляксандра Сяргеевіча Пушкіна.

Пазней граў ролі цынікаў і зладзеяў — людзей дасціпных, але ўпартых і свавольных. Стыва Аблонскі ў «Ганне Карэнінай» Льва Мікалаевіча Талстога, Фельдкурат Кац у «Швейцы» Яраслава Гашэка і Уільям Сесіл у п’есе Ф. Брукнера «Лізавета, каралева англійская».

Член Саюза тэатральных дзеячаў Латвіі з 1950. Заслужаны артыст Латвійскай ССР (1955), Народны артыст Латвійскай ССР (1983). Уладальнік нацыянальных тэатральных узнагарод: імя Андрэя Пумпура (1981) і імя Эдуарда Смільгіса (1986).

Памёр у Рызе, пахаваны на могілках Райніса.

Зноскі