Арцём Іванавіч Барычэўскі

У Вікіпедыі ёсць артыкулы пра іншых людзей з прозвішчам Барычэўскі.

Арцём Іванавіч Барычэ́ўскі (28 чэрвеня 1891^[1] — 2 лістапада 1969) — удзельнік Вялікай Айчыннай вайны, намеснік камандзіра батальёна 190-га стралковага палка 5-й стралковай Арлоўскай дывізіі 3-й арміі 2-га Беларускага фронту, капітан. Герой Савецкага Саюза (1945)^[1].

Арцём Іванавіч Барычэўскі
Дата нараджэння	28 чэрвеня 1891(1891-06-28)
Месца нараджэння	Сэрныкы, Пінскі павет, Мінская губерня, Расійская імперыя
Дата смерці	2 лістапада 1969(1969-11-02) (78 гадоў)
Месца смерці	Зернаград, Зернаградскі раён[d], Растоўская вобласць, РСФСР, СССР
Месца пахавання	Зернаград
Грамадзянства	СССР
Прыналежнасць	Расійская імперыя СССР
Род войскаў	пяхота
Званне	маёр і капітан
Бітвы/войны	Першая сусветная вайна, Грамадзянская вайна, Вялікая Айчынная вайна: Аперацыя Баграціён
Узнагароды і званні

Біяграфія

Нарадзіўся 28 чэрвеня 1891 года ў вёсцы Сэрныкы (цяпер Зарэчнэнскага раёна Ровенскай вобласці Украіны) у сям’і селяніна. Беларус.

Скончыў 5 класаў. Працаваў цесляром на доследнай станцыі пасёлку гарадскога тыпу Зернавы (цяпер горад Зернаград Растоўскай вобласці). Член ВКП(б)/КПСС з 1939 года.

У Чырвонай Арміі з 1918 года^[1]. Удзельнік Першай сусветнай і Грамадзянскай войнаў. На франтах Вялікай Айчыннай вайны з сакавіка 1942 года. Прымаў удзел у вызваленні Беларусі^[2].

Вызначыўся 24 чэрвеня 1944 года пры прарыве варожай абароны на паўночны захад ад горада Рагачова^[1]. 14 ліпеня 1944 г. намеснік камандзіра батальёна капітан Арцём Барычэўскі на чале штурмавой групы адным з першых уварваўся ў горад Ваўкавыск^[1][3] Гродзенскай вобласці Беларусі. Група, захапіўшы цэнтр горада, ўтрымлівала яго да падыходу падмацавання, знішчыўшы 50^[1] агнявых кропак, 8^[1] супрацьтанкавых гармат, дзясяткі салдат і афіцэраў праціўніка.

Пасля вайны маёр А. І. Барычэўскі — у запасе. Жыў і працаваў у горадзе Зернаград Растоўскай вобласці^[1].

Памёр 2 лістапада 1969 года, пахаваны ў Зернаградзе.

Памяць

• Імем Барычэўскага названая вуліца ў горадзе Зернаградзе^[1].

Узнагароды

• Указам Прэзідыума Вярхоўнага Савета СССР ад 24 сакавіка 1945 года за ўзорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым мужнасць і гераізм, капітану Барычэўскаму Арцёму Іванавічу прысвоена званне Героя Савецкага саюза з уручэннем ордэна Леніна і медалі «Залатая Зорка» (№ 5831).
• Узнагароджаны ордэнам Леніна, ордэнамі Айчыннай вайны 1-й і 2-й ступеняў, Чырвонай Зоркі і медалямі.

Зноскі

1. Боричевский Артём Иванович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 75. — 737 с.
2. ОПЕРАЦИЯ «БАГРАТИОН» ОСВОБОЖДЕНИЕ БЕЛОРУССИИ Архівавана 8 кастрычніка 2014.
3. Волковыск 1941—1944 Архівавана 11 лістапада 2010.