Арцём Алегавіч Валовіч

У Вікіпедыі ёсць артыкулы пра іншых людзей з прозвішчам Валовіч.

Арцём Валовіч (нар. 15 сакавіка 1999, Мінск) — беларускі футбаліст, паўабаронца мінскага «Энергетыка».

Арцём Валовіч
Поўнае імя	Арцём Алегавіч Валовіч
Нарадзіўся	15 сакавіка 1999(1999-03-15)[1] (26 гадоў) Мінск, Беларусь
Грамадзянства	Беларусь
Пазіцыя	паўабаронца
Інфармацыя пра клуб
Клуб	Энергетык
Клубная кар’ера[* 1]
2016 БАТЭ (Барысаў) 0 (0) 2017—2020 Гарадзея 7 (0) 2019 →  НФК (Мінск) 23 (4) 2021 Асіповічы 20 (3) 2024— Энергетык (Мінск)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 7 жніўня 2024.

Клубная кар’ера

Пачынаў займацца футболам у структуры мінскага МТЗ-РІПА, у юнацкім узросце трапіў у барысаўскі БАТЭ, дзе гуляў за юнацкія каманды, правёў адзін матч за дубль. У 2017 годзе перайшоў у «Гарадзею», дзе замацаваўся ў дублі, быў капітанам рэзервовага складу.

У сакавіку 2019 года быў аддадзены ў арэнду ў мінскі НФК^[2], дзе з часам стаў іграком стартавага складу. У студзені 2020 года пасля вяртання з арэнды стаў трэніравацца з асноўнай камандай «Гарадзеі»^[3]. Дэбютаваў у Вышэйшай лізе 28 сакавіка 2020 года ў матчы супраць салігорскага «Шахцёра», выйшаўшы на замену ў другім тайме. У далейшым гуляў за дубль, рэгулярна прыцягваўся да асноўнай каманды.

У пачатку 2021 года праходзіў прагляд у «Крумкачах», але беспаспяхова. У красавіку 2021 года стаў іграком «Асіповічаў», дзе гуляў да канца сезона 2021.

У пачатку 2024 года далучыўся да мінскага «Энергетыка».

Статыстыка выступленняў

Сезон	Дывізіён	Клуб	Матчы	Галы
2016	дубль	БАТЭ	1	0
2017	дубль	Гарадзея	30	2
2018	дубль	Гарадзея	26	6
2019	Д2	НФК	23	4
2020	Д1	Гарадзея	7	0
2021	Д3	Асіповічы	20	3

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[4].