Асемяненне

Асемяненне — забеспячэнне сустрэчы палавых клетак (яйцаклетак і сперматазоідаў^[1]) жывёл дзеля апладнення, што дасягаецца пры ўмове адначаснага выспявання гамет абодвух палоў.

Віды

• Вонкавае. У большасці жывёл, што жывуць або размнажаюцца ў вадзе (кольчатыя чэрві, двухстворкавыя малюскі, ігласкурыя, кішачнаполасцевыя  (англ.), галавахордавыя, кругларотыя, большасць рыб, бясхвостыя земнаводныя).
• Унутранае. У некаторых водных  (англ.) і пераважнай большасці наземных жывёл  (англ.) (плоскія і круглыя чэрві, многія членістаногія і мяккуны, большасць пазваночных — акулы, хімеры і некаторыя касцістыя рыбы, вышэйшыя пазваночныя).
• Прамежкавае (вонкава-ўнутранае). Пры ім самец выдаляе сперму (у выглядзе кропляў семявой вадкасці або сперматафораў) у знешняе асяроддзе, на субстрат, дзе яе захоплівае саміца. Сустракаецца ў многіх ніжэйшых членістаногіх, што жывуць у вадзе, і хвастатых земнаводных.
• Штучнае  (англ.). Выкарыстоўваецца пры развядзенні рыбы і жывёл^[2].

Зноскі

1. Анатоль Леанцюк. Сперматазоід // Беларуская энцыклапедыя ў 18 тамах / Генадзь Пашкоў. — Мінск: Беларуская энцыклапедыя імя Петруся Броўкі, 2002. — Т. 15. — С. 109-110. — 552 с. — 10 000 экз. — ISBN 985-11-0251-2.
2. Асемяненне // Беларуская энцыклапедыя ў 18 тамах / Генадзь Пашкоў. — Мінск: Беларуская энцыклапедыя імя Петруся Броўкі, 1996. — Т. 2. — С. 27. — 480 с. — 10 000 экз. — ISBN 985-11-0061-7.