Адам Ідзкоўскі

Адам Ідзкоўскі (Ідзькоўскі) (польск.: Adam Idźkowski); 24 снежня 1798, в. Альшанка  (польск.), Вышкоўскі павет, Мазавецкае ваяводства — 3 мая 1879, пгт. Літын, цяпер Літынскі раён, Вінніцкая вобласць, Украіна) — польскі архітэктар, тэарэтык архітэктуры, прадстаўнік позняга класіцызму.

Адам Ідзкоўскі
польск.: Adam Idźkowski
Дата нараджэння	24 снежня 1798 (4 студзеня 1799)
Месца нараджэння	Альшанка[d], Новая Усходняя Прусія[d], Каралеўства Прусія
Дата смерці	3 (15) мая 1879 (80 гадоў)
Месца смерці	Літын, Літынскі павет[d], Падольская губерня, Расійская імперыя
Грамадзянства	Польшча  Расійская імперыя
Альма-матар	Варшаўскі ўніверсітэт
Працы і дасягненні
Архітэктурны стыль	позні класіцызм
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Ідзькоўскі.

Біяграфія

Скончыў будаўнічае аддзяленне Варшаўскага ўніверсітэта ў 1824 г. Яшчэ падчас вучобы таленавіты студэнт звярнуў на сябе ўвагу міністра фінансаў, князя Ф. К. Друцкага-Любецкі, дзякуючы якому атрымаў дзяржаўную стыпендыю для далейшага навучання ў Італіі ў фларэнтыйскай Акадэміі выяўленчых мастацтваў  (руск.), членам якой ён стаў у далейшым.

Пасля вяртання на радзіму быў прызначаны асэсарам па будаўніцтву пры Камісіі веравызнанняў і грамадскай асветы. Вучань і паслядоўнік Антоніа Карацы  (руск.).

У 1840-я гады працаваў на пасадзе архітэктара і будаўніка імператарскага замка і палацаў у Варшаве і Скернявіцах.

Абраныя работы

Аўтар праектаў шмат якіх з палацаў у Літве, Беларусі, Мазовіі і іншых месцах Царства Польскага і Расійскай імперыі.

• У 1837 архітэктар Адам Ідзкоўскі распрацаваў праект перабудовы Саксонскага палаца. Замест разбуранай сярэдняй часткі архітэктар пабудаваў у 1839—1842 каланаду на адзінаццаці аркадах. Фасады палаца былі перабудаваны ў стылі класіцызму.
• перабудаваў Сабор святога Яна Хрысціцеля ў Варшаве ў стылі англійскай готыкі  (англ.) (1836—1840)
• У 1840-я гады па праектам Адама Ідзкоўскага да цэнтральнай часткі гомельскага палаца, узведзенага пры П. А. Румянцаве-Задунайскім і набытага І. Паскевічам, былі прыбудаваны флігель і вежа, адначасова быў створаны пышны парк. Цяпер архітэктурна-паркавы ансамбль — візітная картка Гомеля.
• спраектаваў варшаўскую бальніцу св. Лазара,
• праект імператарскага палаца на Павонзках,
• перабудаваў касцёл св. Лаўрэнція  (руск.) ў Варшаве ў царкву Уладзімірскай іконы Божай Маці ў 1841.
• аўтар пастамента помніка Каперніку  (руск.) (скульптар Торвальдсен)
• у 1828 годзе распрацаваў праект пабудовы тунэля пад ракой Вісла для злучэння Варшавы з Прагай, гістарычным раёнам польскай сталіцы — прадмесцем, якое знаходзіцца на правым беразе ракі (праект не быў рэалізаваны з-за адсутнасці сродкаў).
• у 1843 распрацаваў праект маўзалея для імператара Напалеона.

• 
  Саксонскі палац каля 1890 года
• 
  Сабор святога Яна Хрысціцеля, Варшава
• 
  Касцёл св. Лаўрэнція ў Варшаве (былая царква Уладзімірскай іконы Божай Маці
• 
  Праект перабудовы каралеўскага палаца ў Варшаве
• 
  Палац Румянцавых — Паскевічаў

Зноскі