Антон Антонавіч Алешка

Антон Антонавіч Алешка (1 лютага 1913, в. Балотчыцы, цяпер Слуцкі раён — 13 верасня 1971, Слуцк) — беларускі пісьменнік.

Антон Антонавіч Алешка
Асабістыя звесткі
Дата нараджэння	19 студзеня (1 лютага) 1913
Месца нараджэння	Балотчыцы, Слуцкі павет, Мінская губерня, Расійская імперыя
Дата смерці	13 верасня 1971(1971-09-13) (58 гадоў)
Месца смерці	Слуцк, Слуцкі раён, Мінская вобласць, Беларуская ССР, СССР
Пахаванне	Чыжоўскія могілкі
Грамадзянства	Беларусь
Альма-матар	Ваенна-медыцынская акадэмія імя С. М. Кірава[d]
Прафесійная дзейнасць
Род дзейнасці	пісьменнік
Мова твораў	беларуская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў
Узнагароды
Творы ў Вікікрыніцах

У Вікіпедыі ёсць артыкулы пра іншых людзей з прозвішчам Алешка.

Біяграфія

Нарадзіўся 1 лютага 1913 года ў сялянскай сям’і. Скончыў у 1931 годзе 2-гадовыя педагагічныя курсы пры Слуцкім педагагічным тэхнікуме, да 1935 працаваў настаўнікам у мястэчку Лапічы (цяпер Асіповіцкі раён). Скончыў Ваенна-медыцынскую акадэмію  (руск.) ў 1941 годзе^[1]. У Вялікую Айчынную вайну ваяваў спачатку на Заходнім, а потым — на 3-м Беларускім фронце. Пасля вайны служыў ваенным урачом у ваенна-паветраных сілах. Дэмабілізаваўся ў 1963 годзе. Жыў у Мінску. Член Саюза пісьменнікаў СССР і Беларусі з 1951 года.

Памёр 13 верасня 1971 года ў Слуцку. Пахаваны на Чыжоўскіх могілках Мінска (сектар 10/2, рад 2, уч. 20)^[2].

Творчасць

Дэбютаваў апавяданнямі ў 1932 годзе ^[1]. У 1938—1939 гадах апублікаваныя некалькі апавяданняў і аповесць «Маладосць» А. Алешкі (часопіс «Полымя»). Аўтар кніг аповесцей і апавяданняў «Раніца» (1949), «Іх першых вітае сонца» (1957), «Пяць сутак» (1959), «Над намі мільён вышыні» (1965), раман «Дарогі без слядоў» (1969), «Неба на замку» (выбранае, 1974, 1984).

Асноўная тэма творчасці пісьменніка — жыццё і баявыя подзвігі савецкіх лётчыкаў^[1].

Узнагароды

Узнагароджаны ордэнамі Чырвонага Сцяга, Айчыннай вайны II ступені, двума ордэнамі Чырвонай Зоркі, «Знак Пашаны» і медалямі.

Зноскі

1. Алексютович Константин Андреевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 19. — 737 с..
2. Аблажэй — Брыль – Белліт  (бел.) (14 ліпеня 2023). Праверана 18 ліпеня 2024.