Багданаўскае (возера, Сенненскі раён)

У паняцця ёсць і іншыя значэнні, гл. Возера Багданаўскае.

Багда́наўскае — возера ў Сенненскім раёне Віцебскай вобласці. У басейне ракі Крывінка (выцякае з возера), за 5 км на паўночным-захадзе ад горада Сянно.

Багда́наўскае
Морфаметрыя
Вышыня над узроўнем мора	143 м
Даўжыня	3,37 км
Шырыня	0,45 км
Плошча	1,19 км²
Аб’ём	0,0091 км³
Даўжыня берагавой лініі	каля 8 км
Найбольшая глыбіня	16,2 м
Сярэдняя глыбіня	7,7 м
Гідралогія
Салёнасць	0,28 ‰
Празрыстасць	2,5 (2[1]) м
Басейн
Плошча вадазбору	89,4 км²
Упадаюць	ручаі
Выцякаюць	Крывінка
Размяшчэнне
Краіна	Беларусь
Рэгіён	Віцебская вобласць
Багда́наўскае
Багда́наўскае

Плошча 1,19 км². Найбольшая глыбіня 16,2 м, сярэдняя 7,7 м. Даўжыня 3,37 км. Найбольшая шырыня 0,45 км. Даўжыня берагавой лініі каля 8 км. Аб’ём вады 9,1 млн. м³. Плошча вадазбору 89,4 км².
Катлавіна возера лагчыннага тыпу. Схілы катлавіны вышынёй 4—5 м, месцамі да 10 м, у верхняй частцы разараныя, у ніжняй — пад лесам. Прыбярэжная частка дна пясчаная, глыбакаводная — ілістая. Амаль чвэрць плошчы дна выслана расліннасцю. Возера эўтрофнае, праточнае. Упадаюць 2 ручаі; злучана пратокай з возера Сянно.

У возеры водзяцца лешч, судак, шчупак, жэрах, плотка, гусцяра, акунь, лінь і іншыя віды рыб.

Каля возера вёскі Багданава, Запруддзе, Лука. Паміж Багданаўскім возерам і возерам Сянно пралягае аўтамабільная дарога Р113.

Зноскі

1. Энцыклапедыя прыроды Беларусі. У 5-і т. Т.1 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 1. — 575 с. — 10 000 экз.