Балатнакветнік шчыталісты

Балатнакветнік шчыталісты, Німфейнік шчыталісты^[1] (Nymphoides peltata) — рэліктавы від травяністых раслін роду Балатнакветнік (Nymphoides) сямейства Бабковыя (Menyanthaceae).

Балатнакветнік шчыталісты
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Бабковыя Род:  Балатнакветнік Від:  Балатнакветнік шчыталісты
Міжнародная навуковая назва
Nymphoides peltata (S.G.Gmel.) Kuntze, 1891
Сінонімы
Limnanthemum peltatum S.G.Gmel., 1769 basionym Brasenia nymphoides (L.) Baill. Limnanthemum nymphoides (L.) Link Limnanthes nymphoides (L.) Stokes Menyanthes nymphoides L. Schweyckerta nymphoides (L.) C.C.Gmel. Villarsia nymphoides (L.) Vent. Walldschmidia nymphoides (L.) F.H.Wigg. Menyanthes natans Lam. Nymphoides europaea Fisch. ex Steud. Nymphoides flava Druce Nymphoides orbiculata Gilib.
Сістэматыка на Віківідах Выявы на Вікісховішчы ITIS   29998 NCBI   49614 EOL   581364 GRIN   t:417535 IPNI   370207-1 TPL   tro-20800054

Гэты від занесены ў Чырвоную кнігу Беларусі і ахоўваецца законам.  I катэгорыя (CR)

Батанічнае апісанне

Шматгадовая водная расліна з паўзучым карэнішчам даўжынёй да 1—1,5 м, якое замацоўваецца на дне вадаёма. Сцёблы дасягаюць паверхні вады. Лісце з кветкамі плаваюць на паверхні вады. Лісце акругла-эліптычнае, каля асновы сэрцападобнае, на верхавінцы выемчастае, знізу густа пакрытае залозістымі плямкамі. Кветкі ярка-жоўтыя, у дыяметры да 5 см. Вяночак глыбока рассечаны на махрыстыя па краях лопасці, чашачка 5-раздзельная. Плод — яйкападобная каробачка.

Цвіце ў чэрвені-жніўні, пладаносіць у верасні. Размнажэнне насеннае і вегетатыўнае.

Экалогія

Расце невялікімі групамі на мелкаводдзях (30—50 см) у непраточных ці мала праточных вадаёмах (рэках, старыцах, азёрах і сажалках) з пясчаным і глейка-пясчаным дном.

Арэал

Еўразійскі, па паходжанню дэрыватны трапагенны від. На тэрыторыі Беларусі сустракаецца на рацэ Нёман у Карэліцкім раёне Гродзенскай вобласці^[2].

Выкарыстанне

Дэкаратыўная расліна.

Ахова

Уключаны ў Чырвоную кнігу Беларусі 1-га і 2-га выданняў (1981, 1993). Знаходзіцца пад дзяржаўнай аховай у Літве, Польшчы і Украіне. Уключаны ў Чырвоную кнігу Латвіі (0 катэгорыя)^[3].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 88. — 160 с. — 2 350 экз.
2. Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2.
3. Балатнакветнік шчыталісты ў Чырвонай кнізе Беларусі(недаступная спасылка) (руск.)