Белая сітаўка

Бе́лая сі́таўка^[1], Пліска, Падманка^[2] (Motacilla alba) — невялікая птушка з роду Сітаўкі (Motacilla) сямейства Сітаўкавыя (Motacillidae).

Белая сітаўка
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Вераб’інападобныя Падатрад:  Пеўчыя вераб’іныя Сямейства:  Сітаўкавыя Род:  Сітаўкі Від:  Белая сітаўка
Міжнародная навуковая назва
Motacilla alba (Linnaeus, 1758)
Ахоўны статус
Выклікаюць найменшыя асцярогі IUCN 3.1 Least Concern : / 22718348
Сістэматыка на Віківідах Выявы на Вікісховішчы ITIS   178476 NCBI   45807 EOL   1050602 FW   369353

Апісанне

Даўжыня цела белай сітаўкі налічвае 16—19 сантыметраў і для яе характэрны доўгі хвост. Афарбоўка верхняй часткі цела пераважна шэрая, а ніжняй — белая. Галава таксама белая, з чорным горлам і шапачкай. Маса сітаўкі 20—23 грамаў. Будуе гнёзды ў паглыбленнях, напрыклад, у расколінах сцен, дуплах дрэў, пад стрэхамі будынкаў і складах бярвення. Самкі адкладаюць 5—6 бялёсых з цёмна-шэрымі кропкамі яек, нярэдка двойчы на сезон. Яйкі самка выседжвае на працягу 12—14 дзён. Птушанят кормяць абодва бацькі. Недзе праз 15 дзён пасля нараджэння ў птушанят з’яўляецца апярэнне.

Арэал і экалогія

Паштовая марка Беларусі, 2002

Гняздуе пераважна ў Еўропе, Азіі і Паўночнай Афрыцы. На больш цёплых землях свайго арэала від вядзе аселы лад жыцця, у той час як папуляцыі больш халодных рэгіёнаў мігруюць у Афрыку і назад. Зрэдку белая сітаўка сустракаецца і на Алясцы.