Беневічы

Бе́невічы^[1] (трансліт.: Bienievičy, руск.: Беневичи) — вёска ў Лідскім раёне Гродзенскай вобласці. Уваходзіць у склад Ганчарскага сельсавета.

Вёска Беневічы Краіна Беларусь Вобласць Гродзенская Раён Лідскі Сельсавет Ганчарскі Каардынаты 53°43′57″ пн. ш. 25°26′08″ у. д.HGЯO Насельніцтва ▼133 чал. (2009) Часавы пояс UTC+3 Тэлефонны код +375 154 Паштовыя індэксы 231304 Аўтамабільны код 4 СААТА 4236827011 Беневічы Беневічы

Беневічы на Вікісховішчы

Геаграфія

Знаходзіцца за 22 км на паўднёвы ўсход ад Ліды, 120 км ад Гродна, 9 км ад чыг. ст. Нёман. Транспартныя сувязі па шашы Р11, якая праходзіць побач і вядзе з Гродна на Навагрудак.

Рэльеф раўнінны. За 1,3 км ад вёскі ў Нёман упадае рака Дзітва. З поўначы прылягае лясны масіў.

Гісторыя

Вынікі археалагічных раскопак паказваюць, што першае пасяленне людзей на месцы вёскі існавала ў першабытнаабшчынным часе, задоўга да ўтварэння вёскі. На паўночна-ўсходняй ускраіне знаходзіцца стаянка каменнага і бронзавага вякоў. Паблізу вёскі захаваўся таксама курганны могільнік, у якім 21 насып, 8 з іх доўгія.