Блакітнавочка

Блакітнаво́чка^[1] (Sisyrínchium) — род кветкавых раслін сямейства Касачовыя (Iridaceae).

Блакітнавочка
Sisyrinchium bellum
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Касачовыя Падсямейства:  Касачовыя Трыба:  Sisyrinchieae Род:  Блакітнавочка
Міжнародная навуковая назва
Sisyrinchium L. (1753)
Сінонімы
Bermudiana Mill. Echthronema Herb. Glumosia Herb. Hydastylus Salisb. ex E.P.Bicknell Paneguia Raf. Pogadelpha Raf. Souza Vell.
Сістэматыка на Віківідах Выявы на Вікісховішчы ITIS   43237 NCBI   58706 EOL   38288 IPNI   329986-2

Батанічнае апісанне

Шматгадовыя (зрэдку аднагадовыя^[2]) травяністыя расліны. Сцёблы прамастойныя, узыходныя. Лісце вузкае, чаргаванае ў ніжняй частцы сцябла або ў прыкаранёвай разетцы, сядзячае, з гладкім краем. Кветкі з шасцю пялёсткамі, сабраныя ў парасонападобныя суквецці. Плод — сухая каробачка.

Блакітнавочка горная (Sisyrinchium montanum)

Распаўсюджанне і экалогія

Род налічвае каля 100^[1] відаў (201 від^[3]). Расліны роду распаўсюджаны ў трапічных і субтрапічных абласцях на тэрыторыі Паўднёвай і Паўночнай Амерыкі. Некаторыя віды, у тым ліку паўночнаамерыканскі від блакітнавочка горная (Sisyrinchium montanum), натуралізаваліся на тэрыторыі Еўразіі, Аўстраліі і Новай Зеландыі^[1].

Гаспадарчае значэнне

Некаторыя віды выкарыстоўваюцца ў якасці дэкаратыўных раслін.

Зноскі

1. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
2. Голубоглазка — род Sisyrinchium: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
3. Sisyrinchium (англ.) // The Plant List