Блакітнавочка горная

Блакітнаво́чка горная^[1] (Sisyrinchium montanum) — від кветкавых раслін з роду Блакітнавочка (Sisyrinchium) сямейства Касачовыя (Iridaceae).

Блакітнавочка горная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Касачовыя Падсямейства:  Касачовыя Трыба:  Sisyrinchieae Род:  Блакітнавочка Від:  Блакітнавочка горная
Міжнародная навуковая назва
Sisyrinchium montanum Greene (1899)
Сінонімы
Sisyrinchium alpestre E.P.Bicknell Sisyrinchium heterocarpum E.P.Bicknell
Выявы на Вікісховішчы ITIS   43269 NCBI   207934 EOL   491565 IPNI   441187-1 TPL   kew-325079

Батанічнае апісанне

Шматгадовая травяністая расліна вышынёй 15—35 см з кароткім карэнішчам. Сцябло прамастойнае або ўзыходнае. Лісце чаргаванае, суцэльнае, сядзячае. Верхавінкавае лісце ланцэтнае з вузкім белаватым краем. Кветкі 12—20 мм у дыяметры, бледна фіялетавага колеру, на доўгіх кветаножках, па 1—4 на канцы сцябла. Плод — шматнасенная каробачка шарападобнай формы, якая раскрываецца трыма створкамі.

Распаўсюджанне і экалогія

Блакітнавочка горная паходзіць з Паўночнай Амерыкі. Натуралізавалася на тэрыторыі Еўразіі, Аўстраліі, Новай Зеландыі.

Святлолюбівая расліна, не патрабавальная да якасці глебы. Расце на вільготных лугах, лясных палянах, каля дарог. Цвіце ў маі—чэрвені. Вырошчваецца ў культуры ў якасці дэкаратыўнай расліны. Лёгка дзічэе.

Зноскі

1. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.