Бор (Навасёлкаўскі сельсавет)

У паняцця ёсць і іншыя значэнні, гл. Бор.

Бор^[1] (трансліт.: Bor) — аграгарадок^[2] у Пухавіцкім раёне Мінскай вобласці Беларусі. Уваходзіць у склад Навасёлкаўскага сельсавета. Месціцца за 11 км ад чыгуначнай станцыі Пухавічы на лініі Мінск — Асіповічы, каля ракі Цітаўка.

Аграгарадок Бор Краіна Беларусь Вобласць Мінская Раён Пухавіцкі Сельсавет Навасёлкаўскі Каардынаты 53°31′03″ пн. ш. 28°00′35″ у. д.HGЯO Ранейшыя назвы Баравая Слабада Чырвоны Бор Насельніцтва ▼446 чал. (2019) Часавы пояс UTC+3 Тэлефонны код +375 1713 Аўтамабільны код 5 СААТА 6244843006 Бор Бор

Бор на Вікісховішчы

Гісторыя

Ранняя гісторыя

За 1 км на поўдзень ад вёскі, ва ўрочышчы Падкапцы сярод асушаных балот месціцца гарадзішча (мясцовая назва — Акопы Кацярыны, Капец).

У XVIII стагоддзі вёска Баравая Слабада ў Менскім павеце Менскага ваяводства Вялікага Княства Літоўскага, адносілася да маёнтка Навасёлкі, уласнасць Барэцкай^[3].

У выніку другога падзелу Рэчы Паспалітай 1793 года тэрыторыя апынулася ў складзе Расійскай імперыі, у Ігуменскім павеце Мінскай губерні.

Пасля 1861 года ў Навасёлкаўскай воласці Ігуменскага павета.

Найноўшы час

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай воласць абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. У пачатку 1930-х гадоў праведзена прымусовая калектывізацыя, створаны калгас «Чырвоны Бор», працавалі кузня і вятрак.

У Другую сусветную вайну з канца чэрвеня 1941 года да 4 ліпеня 1944 года пад акупацыяй Германіі. У ходзе карных аперацый вёска была спалена, забіта 235 жыхароў. Пасля вайны вёска адноўлена.

У 1966 годзе да вёскі далучаны пасёлак Бор 1.

Насельніцтва

• 1970 год — 187 двароў, 704 жыхары
• 1995 год — 187 двароў, 532 жыхары^[4]
• 2002 год — 145 двароў, 475 жыхароў
• 2009 год — 470 жыхароў^[5]
• 2019 год — 446 жыхароў^[5]

Інфраструктура

• Сярэдняя школа
• Механічныя майстэрні
• Дом культуры
• Бібліятэка
• Фельчарска-акушэрскі пункт
• Дзіцячы сад-яслі
• Аддзяленне сувязі
• Крама

Славутасці

• Гарадзішча (Акопы Кацярыны, Капец)
• Камень-следавік, на могілках. Паводле аднаго з паданняў, след на камені пакінуў Ісус Хрыстос, які праходзіў праз вёску. Паводле другога падання, хворай жанчыне ў сне Бог указаў на гэты камень і загадаў маліцца за сваё здароўе, у выніку чаго яна вылечылася. Лічыцца, што камень найлепш дапамагае ад зубнога болю^[6].

Вядомыя асобы

• Раман Фёдаравіч Ляпіч (1906—1977) — беларускі паэт, крытык, перакладчык, выкладчык.
• Валерый Уладзіміравіч Бабук (нар. 1956) — беларускі спартсмен, трэнер.
• Сяргей Пятровіч Семяняка (нар. 1975) — беларускі спартсмен.