Бружмель Максімовіча

Бружмель Максімовіча^[1] (Lonícera maximowíczii) — куст, від роду Бружмель (Lonicera) сямейства Бружмелевыя (Caprifoliaceae). Расце на Далёкім Усходзе Расіі, у Кітаі і Карэі.

Бружмель Максімовіча
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Варсянкакветныя Сямейства:  Бружмелевыя Род:  Caprifolioideae Род:  Бружмель Від:  Бружмель Максімовіча
Міжнародная навуковая назва
Lonicera maximowiczii (Rupr.) Regel
Сістэматыка на Віківідах Выявы на Вікісховішчы ITIS   823484 NCBI   486677 EOL   7020055 GRIN   t:22601 IPNI   907831-1 TPL   kew-2339956

Від названы ў гонар Карла Іванавіча Максімовіча (1827—1891), расійскага батаніка, акадэміка Імператарскай Санкт-Пецярбургскай Акадэміі Навук, даследчыка флоры Далёкага Усходу і Японіі.

Батанічнае апісанне

Лістападны разгалісты моцна галінаваны куст вышынёй да 2 метраў. Кара старых парасткаў светла-шэрая, маладых — зялёная ці фіялетавая, без апушэння.

Лісце эліптычнае або даўгавата-яйкападобнае, 3-7 см даўжынёй, цёмна-зялёнае, на кароткіх хвосціках, з раснічастым апушэннем па краях.

Кветкі фіялетава-чырвоныя, даўжынёй да 13 мм, размешчаны парамі ў пазухах лісця, прычым размешчаны вельмі цікава — кожная пара схаваная пад сваім лістом. Час цвіцення — чэрвень.

Плады яйкападобныя, ярка-чырвоныя, бліскучыя, парамі зрослыя аснаваннямі і разбежныя наверсе накшталт рожак, спеюць у канцы жніўня-верасні.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 77. — 160 с. — 2 350 экз.