Бярозаўка (прыток Дзісны)

У гэтага тапоніма ёсць і іншыя значэнні, гл. Бярозаўка.

Бяро́заўка, Бярэ́жвіца — рака ў Глыбоцкім і Шаркаўшчынскім раёнах Віцебскай вобласці Беларусі, правы прыток ракі Дзісна (басейн Заходняй Дзвіны).

Бярозаўка
Характарыстыка
Даўжыня	53 км
Басейн	721 км²
Расход вады	4,6 м³/с (у вусці)
Вадацёк
Выток	возера Падлужнае
• Вышыня	каля 154[1] м
• Каардынаты	55°09′54,20″ пн. ш. 27°39′58,10″ у. д.HGЯO
Вусце	Дзісна
• Месцазнаходжанне	за 4 км на ўсход ад гарадскога пасёлка Шаркаўшчына
• Каардынаты	55°22′07,20″ пн. ш. 27°32′30,50″ у. д.HGЯO
Ухіл ракі	0,7 м/км
Размяшчэнне
Водная сістэма	Дзісна → Заходняя Дзвіна → Балтыйскае мора
Краіна	Беларусь
Рэгіён	Віцебская вобласць
Раёны	Глыбоцкі раён, Шаркаўшчынскі раён
выток вусце
— выток, — вусце

Даўжыня ракі 53 км (42 км, з іх 27 км у Глыбоцкім раёне^[2]). Плошча вадазбору 721 км². Сярэднегадавы расход вады ў вусці 4,6 м³/с. Сярэдні нахіл воднай паверхні 0,7 ‰.

Асноўныя прытокі

• Леваруч: Аржаніца, Маргва, Гнілуха.
• Праваруч: Дабрылаўка і Стуканаўка.

На рацэ

• гарады: Глыбокае

Агульныя звесткі

Пачынаецца з возера Падлужнае, цячэ праз горад Глыбокае, у межах Свянцянскіх градаў, далей па Полацкай нізіне. Упадае ў Дзісну за 4 км ніжэй гарадскога пасёлка Шаркаўшчына. Даліна да ўпадзення Маргвы трапецападобная, на астатнім працягу вузкая, шырынёй 0,5—3 км. Пойма пераважна двухбаковая, шырынёй 50—500 м. Рэчышча каналізаванае на працягу 1 км у верхнім цячэнні і 1,5 км каля вёскі Юльянова Шаркаўшчынскага раёна; на астатнім працягу звілістае, шырыня яго 14—16 м у верхнім цячэнні і 20—30 м у ніжнім.

Зноскі

1. Ліст карты N-35-32. Карта выдання 1980 года. Адпавядае стану мясцовасці на 1983 год. (руск.)
2. Общая характеристика речной сети Витебской области (в разрезе районов) // Справочник «Водные объекты Республики Беларусь» Архівавана 10 студзеня 2018. (руск.)