Бярозка (прыток Крывінкі)

У паняцця ёсць і іншыя значэнні, гл. Бярозка.

Бяро́зка, Верхняя Крывіна — рака ў Бешанковіцкім і Сенненскім раёнах Віцебскай вобласці Беларусі, правы прыток ракі Крывінка (басейн Заходняй Дзвіны).

Бярозка
Характарыстыка
Даўжыня	34 км
Басейн	330 (348) км²
Расход вады	2,9 м³/с (у вусці)
Вадацёк
Выток	Бярозаўскае
• Вышыня	149[1] м
• Каардынаты	54°51′10″ пн. ш. 29°50′32″ у. д.HGЯO
Вусце	Крывінка
• Каардынаты	54°51′10″ пн. ш. 29°50′32″ у. д.HGЯO
Ухіл ракі	0,5 м/км
Размяшчэнне
Водная сістэма	Крывінка → Заходняя Дзвіна → Балтыйскае мора
Краіна	Беларусь
Рэгіён	Віцебская вобласць
Раёны	Бешанковіцкі раён, Сенненскі раён
выток вусце
— выток, — вусце

Даўжыня ракі 34 км. Плошча вадазбору 330^[2] (348^[3]) км². Сярэдні расход вады ў вусці 2,9 м³/с. Сярэдні нахіл воднай паверхні 0,5 ‰.

Пачынаецца з возера Бярозаўскае, цячэ па Чашніцкай раўніне ў Сенненскім раёне і Полацкай нізіне ў Бешанковіцкім раёне. Упадае ў Крывінку на паўднёвы ўсход ад Бешанковічаў паблізу ад вёсак Верхняе Крывіна і Кошчава.

Даліна і абалона невыразныя, асабліва ў межах, дзе рака цячэ па балоце. Рэчышча ад вёскі Буднікі да вёскі Арляны на працягу 21 км каналізаванае, шырыня 8—20 м.

Асноўныя прытокі — рэкі Вітунь (леваруч) і Арлянка (праваруч). У басейне ракі азёры Альшанка, Сянно, Бярозаўскае, Бароўка, Добрына, Сосна і інш.
Уздоўж ракі знаходзяцца вёскі Арляны, Рубеж, Ганкавічы, Буднікі, Крывое Сяло.

Рэжым Бярозкі вывучаўся ў 1926—1934 гадах на гідралагічным пасту Ганкавічы^[3].

Зноскі

1. Ліст карты N-35-48. Выданне 1991 года. Стан мясцовасці на 1987 год. (руск.)
2. Основные характеристики речных бассейнов (с площадью водосбора более 200 кв. км) Витебской области // Справочник «Водные объекты Республики Беларусь» Архівавана 1 верасня 2021. (руск.) (Праверана 28 чэрвеня 2023)
3. ЭПБ 1983.