Альшанка (возера)

У паняцця ёсць і іншыя значэнні, гл. Альшанка.

Альша́нка^[2] — возера ў Беларусі, у Сенненскім раёне Віцебскай вобласці ў басейне ракі Бярозка (прыток Крывінкі) за 13 км на паўночны ўсход ад горада Сянно, за 1 км на поўдзень ад аграгарадка Ходцы, каля вёскі Карпавічы.

Альшанка
Морфаметрыя
Вышыня над узроўнем мора	145,5[1] м
Даўжыня	1,68 км
Шырыня	0,31 км
Плошча	0,36 км²
Аб’ём	0,00203 км³
Даўжыня берагавой лініі	3,95 км
Найбольшая глыбіня	11,1 м
Сярэдняя глыбіня	5,6 м
Гідралогія
Тып мінералізацыі	прэснае
Салёнасць	да 0,25 ‰
Празрыстасць	3,4 м
Басейн
Плошча вадазбору	9,2 км²
Упадаюць	ручаі
Выцякаюць	пратока
Размяшчэнне
Краіна	Беларусь
Рэгіён	Віцебская вобласць
Альшанка
Альшанка

Плошча паверхні возера 0,36 км². Даўжыня 1,68 км, найбольшая шырыня 0,31 км. Найбольшая глыбіня дасягае 11,1 км, сярэдняя 5,6 м. Даўжыня берагавой лініі 3,95 км. Аб’ём вады 2,03 млн м³.
Катлавіна возера лагчыннага тыпу, выцягнутая з поўначы на поўдзень. Схілы катлавіны вышынёй 2—5 м, на поўначы і поўдні вышынёй 7—12 м. Берагавая лінія слабазвілістая. Берагі нізкія, у заходняй і паўночна-ўсходняй частках забалочаныя. Дно пясчанае, глыбей 2—4 м выслана гліністым ілам. Глыбіні да 2 метраў займаюць каля 20 % плошчы возера. Возера эўтрофнае, слабапраточнае. Злучана пратокай з возерам Абразцы. Упадаюць ручаі. Падводная расліннасць распаўсюджваецца да глыбіні 4 м.

У возеры водзяцца лешч, шчупак, акунь, плотка, гусцяра, краснапёрка і іншыя віды рыб.

Зноскі

1. Ліст карты N-35-48. Выданне 1991 года. Стан мясцовасці на 1987 год. (руск.)
2. БелЭн 1996.