Валасянкавыя

Валасянкавыя, лескавыя (Sylviidae) — сямейства пеўчых птушак атрада вераб’інападобных.

Валасянкавыя
Самец валасянкі чорнагаловай (Sylvia atricapilla)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Вераб’інападобныя Падатрад:  Пеўчыя вераб’іныя Надсямейства:  Sylvioidea Сямейства:  Валасянкавыя
Міжнародная навуковая назва
Sylviidae Vigors, 1825
Сістэматыка на Віківідах Выявы на Вікісховішчы ITIS   179839 NCBI   36270 EOL   1605 FW   158463

Апісанне

Невялікіх памераў, рухавыя птушкі, палавы дымарфізм у большасці відаў адсутнічае, ёсць нязначны ўзроставы. Даўжыня цела 10—26 см, маса 6—30 г. Апярэцне мяккае, буравата-шаравата-аліўкавае, часам са стракацінкамі, больш светлае на брушку. Дзюба тонкая, шылападобная. Вельмі часта цяжка адрозніваюцца адзін ад аднаго, таму неабходна звяртаць увагу на голас, паводзіны і біятоп. Жывуць у лясах, хмызняковых зараснінах. Гнёзды ў кустах, на зямлі, у трыснягу. Нясуць 4—8 стракатых або белых яец. Кормяцца насякомымі, іх лічынкамі, ягадамі. Пералётныя.

Налічваецца каля 400 відаў. Пашыраны ў Еўразіі, Афрыцы, Аўстраліі, Амерыцы. На Беларусі звыш 20 відаў з родаў валасянак, пеначак, чарацянак.

Сістэматыка

Сямейства складаецца з 20 родаў. Найбольш вядомымі з’яўляюцца:

• Chamaea
• Chleuasicus
• Cholornis
• Chrysomma
• Conostoma
• Fulvetta
• Horizorhinus
• Lioparus
• Lioptilus
• Moupinia
• Myzornis
• Neosuthora
• Paradoxornis
• Parophasma
• Pseudoalcippe
• Psittiparus
• Rhopophilus
• Sinosuthora
• Suthora
• Sylvia — Валасянкі

Літаратура

• Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.
• Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.