Валерый Юр’евіч Бачароў

У Вікіпедыі ёсць артыкулы пра іншых людзей з прозвішчам Бачароў.

Валерый Бачароў (нар. 10 жніўня 2000, Мінск) — беларускі футбаліст, паўабаронца расійскага клуба «Урал» з Екацярынбурга і нацыянальнай зборнай Беларусі.

Валерый Бачароў
Поўнае імя	Валерый Юр’евіч Бачароў
Нарадзіўся	10 жніўня 2000(2000-08-10) (25 гадоў) Мінск, Беларусь[1]
Грамадзянства	Беларусь
Рост	178 см
Вага	72 кг[1]
Пазіцыя	паўабаронца
Інфармацыя пра клуб
Клуб	Урал
Нумар	3
Клубная кар’ера[* 1]
2018—2023 БАТЭ (Барысаў) 54 (3) 2020 →  Смалявічы 7 (0) 2021 →  Слуцк 24 (1) 2024— Урал (Екацярынбург)
Нацыянальная зборная[* 2]
2021—2022 Беларусь (да 21) 8 (0) 2022— Беларусь 13 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 студзеня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 22 лістапада 2023

Клубная кар’ера

Пачынаў займацца футболам у мінскім «Дынама», у юнацкім узросце апынуўся ў складзе барысаўскага БАТЭ. У 2018 годзе пачаў выступаць за дубль клуба, дзе неўзабаве замацаваўся ў стартавым складзе. 29 жніўня 2020 года дэбютаваў асноўнай камандзе БАТЭ ў матчы Кубка Беларусі супраць мікашэвіцкага «Граніта» (5:0), правёўшы на полі ўсе 90 хвілін.

У верасні 2020 года быў аддадзены ў арэнду ў «Смалявічы»^[2], дзе 18 верасня 2020 года дэбютаваў у Вышэйшай лізе, правёўшы на поле ўсе 90 хвілін матча супраць брэсцкага «Руха» (0:6). У далейшым замацаваўся ў стартавым складзе каманды. У снежні 2020 года па заканчэнні арэнды пакінуў «Смалявічы»^[3].

У пачатку 2021 года знаходзіўся на праглядзе ў «Віцебску», але беспаспяхова. У лютым 2021 года на правах арэнды далучыўся да «Слуцка»^[4]. Стаў адным з асноўных ігракоў слуцкай каманды. У снежні 2021 года па заканчэнні арэнды пакінуў «Слуцк»^[5].

У пачатку 2022 года пачаў рыхтавацца да новага сезона з асноўнай камандай БАТЭ. У сакавіку 2022 года падоўжыў кантракт з барысаўчанамі да канца 2023 года^[6]. У сезоне 2022 замацаваўся ў стартавым складзе БАТЭ, а на наступны сезон стаў капітанам каманды. У снежні 2023 года пакінуў БАТЭ^[7].

У студзені 2024 года стаў іграком екацярынбургскага «Урала»^[8].

Міжнародная кар’ера

2 верасня 2021 года дэбютаваў у моладзевай зборнай Беларусі, адгуляўшы ўсе 90 хвілін у адборачным матчы чэмпіянату Еўропы супраць Ісландыі (1:2).

3 чэрвеня 2022 года ўпершыню згуляў за нацыянальную зборную Беларусі, калі выйшаў у стартавым складзе ў матчы Лігі нацый УЕФА супраць Славакіі (0:1) і быў заменены ў другім тайме.

Дасягненні

• 03 Бронзавы прызёр чэмпіянату Беларусі: 2022
• Уладальнік Суперкубка Беларусі: 2022
• У спісе 22 найлепшых футбалістаў чэмпіянату Беларусі: 2022

Статыстыка выступленняў

Сезон	Дывізіён	Клуб	Краіна	Матчы	Галы
2018	дубль	БАТЭ		21	2
2019	дубль	БАТЭ		12	1
2020 (1)	дубль	БАТЭ		15	1
2020 (2)	Д1	Смалявічы		7	0
2021	Д1	Слуцк		24	1
2022	Д1	БАТЭ		27	1
2023	Д1	БАТЭ		27	2