Вальфартава муха

Вальфартава муха (Wohlfahrtia magnifica) — насякомае сямейства шэрых мясных мух. Пашырана на поўдні Еўропы, у Паўночнай Афрыцы, Цэнтральнай і Сярэдняй Азіі. Трымаецца кветак, трупаў жывёл. На тэрыторыі Беларусі зрэдку трапляецца ў паўднёвых раёнах.

Вальфартава муха
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Без рангу:  Antliophora Атрад:  Двухкрылыя Падатрад:  Караткавусыя Інфраатрад:  Muscomorpha Надсямейства:  Oestroidea Сямейства:  Шэрыя мясныя мухі Падсямейства:  Paramacronychiinae Род:  Wohlfahrtia Від:  Вальфартава муха
Міжнародная навуковая назва
Wohlfahrtia magnifica Schiner, 1862
Сінонімы
Sarcophila magnifica
Сістэматыка на Віківідах Выявы на Вікісховішчы NCBI   641482 EOL   782346

Апісанне

Даўжыня 9-14 мм, цела папяляста-шэрае, вусікі і ногі чорныя. Адкладае жывых лічынак (даўжыня каля 1 мм) у адкрытыя раны і слізістыя абалонкі млекакормячых, зрэдку на чалавека (вушы, вочы, рот, нос). Лічынкі разбураюць навакольныя тканкі, трапляюць у лобныя пазухі, насавую гаймараву поласці і выклікаюць цяжкія захворванні — міязы; развіваюцца 3-5 сутак, потым вывальваюцца з ран і акукліваюцца ў глебе. За год да 6 пакаленняў. Часта бываюць прычынай гібелі жывёлы.

Літаратура

• Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш. — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).