Валянцін Аркадзевіч Астаповіч

Валянцін Аркадзевіч Астаповіч (10 снежня 1932, Менск — 1993) — беларускі архітэктар.

Валянцін Аркадзевіч Астаповіч
Дата нараджэння	10 снежня 1932(1932-12-10)
Месца нараджэння	Менск, Беларуская ССР, СССР
Дата смерці	1993
Грамадзянства	СССР
Бацька	Аркадзь Антонавіч Астаповіч
Альма-матар	БПІ (1958)
Месца працы	Белдзяржпраект Дзіпрасельбуд Вопытна-канструктарскае бюро пры камбінаце «Мінгандальмантаж»
Член у	Саюз архітэктараў СССР

У Вікіпедыі ёсць артыкулы пра іншых людзей з прозвішчам Астаповіч.

Біяграфія

Нарадзіўся ў сям’і беларускага графіка Аркадзя Антонавіча Астаповіча (1896—1941)^[1].

Скончыў у 1958 годзе Беларускі політэхнічны інстытут. Працаваў у Белдзіпрасельбудзе, галоўным архітэктарам доследна-канструктарскага бюро Мінгандальмантажу БССР, у 1963—1977 гадах — кіраўніком групы архітэктараў, галоўным архітэктарам праектаў у Белдзяржпраекце^[2].

Член Саюза архітэктараў СССР з 1963 года. Пражываў у г. Жодзіна Мінскай вобласці.

Творчасць

Аўтар праектаў (у аўтарскім калектыве) гасцініцы «Магілёў», Дом спорту, забудова праспекта Пушкіна, Шміта (1963—1975)^[2], палаца культуры і тэхнікі вытворчага аб’яднання «Хімвалакно» (1977; сааўтары Я. Смальгоўскі, В. Ладыгіна)^[3] у Магілёве; гасцініцы «Інтурыст» у Брэсце (1965—1975)^[2]; серыі 88^[4] тыпавых праектаў 5- і 9-павярховых жылых дамоў^[2], блок-секцый^[4] і інтэрнатаў (1975-79)^[2], эксперыментальных дамоў серыі 88 Гродзенскай лініі^[4].

Зноскі

1. Аркадий Астапович «Девять писем и вся жизнь». Переписка художников А. А. Астаповича и 3.А. Астапович (Бочаровой). 1915—1941 годы Архівавана 6 снежня 2019.
2. Астапович Валентин Аркадьевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
3. 51.  // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
4. Ольга Брянцева Основные этапы развития жилища в Республике Беларусь (20—80-е г.) (руск.)