Вапнаўка мяцёльчатая

Ва́пнаўка мяцёльчатая (мяцёлчатая^[1]), Перакаці-поле^[2] (Gypsophila paniculata) — від кветкавых раслін з роду Вапнаўка (Gypsophila) сямейства Гваздзіковыя (Caryophyllaceae).

Вапнаўка мяцёльчатая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Гваздзіковыя Падсямейства:  Caryophylloideae Трыба:  Caryophylleae Род:  Вапнаўка Від:  Вапнаўка мяцёльчатая
Міжнародная навуковая назва
Gypsophila paniculata L., 1753
Сістэматыка на Віківідах Выявы на Вікісховішчы ITIS   20293 NCBI   235358 EOL   588504 GRIN   t:18131 IPNI   154563-1 TPL   kew-2836785

Батанічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Шматгадовая травяністая расліна вышынёй 40—100^[2] см, голая або залозіста апушаная ў ніжняй частцы. Сцябло галінастае, часам утварае куст шарападобнай формы. Лісце супраціўнае, сядзячае, суцэльнае, ланцэтнай формы, з васковым налётам і гладкім краем. Кветкі шматлікія, белага колеру, у раскідзістых мяцёльчатых суквеццях. Плод — сухая каробачка.

Распаўсюджанне і экалогія

Расліна паходзіць з Міжземнамор’я. Распаўсюдзілася на тэрыторыі стэпавых зон паўднёвай часткі Расіі. Расце на сухіх лугах, узлесках і палянах хвойных лясоў, камяністых і пясчаных глебах, у стэпах, на пашах і агародах. Святлолюбівая расліна.

Гаспадарчае значэнне

Лекавая расліна. Мае інсектыцыдныя ўласцівасці. Карані вапнаўкі мяцёльчатай, вядомыя пад назвай «белы мыльны корань», маюць да 30 % сапанінаў і выкарыстоўваюцца ў якасці сурагата мыла, на выраб шампуняў і мыйных парашкоў^[2].

Ядавітая расліна. Можа выклікаць атручванне жывёлы. Добры меданос.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 62. — 160 с. — 2 350 экз.
2. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.