Варанчанскі сельсавет

Варанча́нскі сельсавет — былая адміністрацыйна-тэрытарыяльная адзінка ў складзе Карэліцкага раёна Гродзенскай вобласці Беларусі. Адміністрацыйны цэнтр — аграгарадок (да 2010 года вёска) Варонча. Плошча — 6673 га.

Варанчанскі сельсавет
Краіна	Беларусь
Уваходзіць у	Карэліцкі раён
Уключае	13 населеных пунктаў
Адміністрацыйны цэнтр	Варонча
Дата ўтварэння	12 кастрычніка 1940, 28 верасня 1995
Дата скасавання	21 жніўня 1989, 4 красавіка 2017
Насельніцтва (2009)	681
Плошча	66,73 км²
Часавы пояс	UTC+03:00
Тэлефонны код	1596
Код аўтам. нумароў	4

Гісторыя

Утвораны 12 кастрычніка 1940 года як Варанчэўскі сельсавет у складзе Валеўкаўскага раёна (з 25 лістапада 1940 года Карэліцкі раён) Баранавіцкай вобласці БССР. З 8 студзеня 1954 года ў складзе Гродзенскай вобласці. З 25 снежня 1962 года ў складзе Навагрудскага раёна, з 6 студзеня 1965 года ў складзе адноўленага Карэліцкага раёна. На 1 студзеня 1974 года ў складзе сельсавета было 13 населеных пунктаў^[1]. 16 сакавіка 1987 года скасавана вёска Сапліцы (злілася з вёскай Горбатавічы)^[2]. 21 жніўня 1989 года скасаваны, тэрыторыя (13 населеных пунктаў: вёскі Белыя Лугі, Варонча, Горбатавічы, Куневічы, Літараўшчына, Мінакі, Падгайна, Равіны, Раманы, Саленікі, Трасейкі, Труднава, Цінявічы) далучана да Цырынскага сельсавета^[3].

28 верасня 1995 года адноўлены як Варанчанскі сельсавет. 4 красавіка 2017 года скасаваны, тэрыторыя далучана да Райцаўскага сельсавета^[4].

Насельніцтва

Насельніцтва сельсавета паводле перапісу 2009 года — 681 чалавек^[5], з іх 83,3 % — беларусы, 14,4 % — палякі^[6].

Склад

На момант скасавання ў склад сельсавета ўваходзілі 13 населеных пунктаў: аграгарадок Варонча, вёскі Белыя Лугі, Горбатавічы, Куневічы, Літараўшчына, Мінакі, Падгайна, Равіны, Раманы, Саленікі, Трасейкі, Труднава, Цінявічы.