Вераб’інападобныя

Вераб’інападобныя (Passeriformes) — самы вялікі атрад класу птушак (Aves), налічвае каля 5 300 відаў. Сукупнасць усіх іншых атрадаў птушак аб’ядноўваюць таксама пад ненавуковай назвай невераб’інападобныя (Nonpasseriformes).

Вераб’інападобныя
Дамавы верабей (Passer domesticus)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Вераб’інападобныя
Міжнародная навуковая назва
Passeriformes Linnaeus, 1758
Падатрады:
Шыракадзюбы (Eurylaimi) Тыраны (Tyranni) Паўпеўчыя (Menurae) Пеўчыя (Oscines)
Сістэматыка на Віківідах Выявы на Вікісховішчы ITIS   178265 NCBI   9126 EOL   1596 FW   39441

Адметныя рысы

Вераб’іныя, у параўнанні з прадстаўнікамі іншых сямействаў, — адносна невялікія птушкі. Даўжыня цела вар’іруецца ад 8 (каралёк) да 120 (райская птушка) сантыметраў. Маса крумкачоў да 1,6 кг, самыя дробныя — каралькі (5—7 г), некаторыя нектарніцы (3—4 г).

Самцы ў большасці буйнейшыя за самак. У многіх выяўлены палавы дымарфізм у афарбоўцы, голасе.

Прыстасаваны да жыцця на дрэвах, зямлі, скалах, здабывання корму ў вадзе. Большасць птушак з атраду вераб’інападобных з’яўляюцца пералётнымі; некаторыя аселыя ці вандроўныя. Большасць насякомаедныя, ёсць усёедныя (крумкачовыя), раслінаедныя.

Манагамы, жывуць парамі, робяць складаныя гнёзды. Нясуць 4—8, радзей да 16 стракатых або аднаколерных яец, часта нясуцца 2 і больш разы за год.

Сістэматыка

Падзяляюцца на 4 падатрады. Шыракадзюбы, або рагадзюбы жывуць у Афрыцы і Паўднёва-Усходняй Азіі. Крыклівыя, або тыраны распаўсюджаны пераважна ў Паўднёвай Амерыцы і тропіках Усходняга паўшар’я. Паўпеўчыя вераб’інападобныя жывуць у Аўстраліі. Пеўчыя пашыраны па ўсім свеце. Усяго звыш 5000 відаў, амаль 2/3 ад усіх птушак зямнога шара.

Сямействы: (непоўны пералік)

• Аляпкавыя (Cinclidae)
• Аўсянкавыя (Emberizidae)
• Валасянкавыя (Acrocephalidae)
• Вераб'іныя (Passeridae)
• Даўгахвостыя сініцы (Aegithalidae)
• Драздовыя (Turdidae)
• Жаваранкавыя (Alaudidae)
• Каральковыя (Regulidae)
• Крумкачовыя (Corvidae)
• Ластаўкавыя (Hirundinidae)
• Лірахвосты (Menuridae)
• Мёдасмокавыя (Meliphagidae) (напрыклад, мёдасмок-стракатаспінка, мёдасмок-званочак, мёдасмокі-мао)
• Мухалоўкавыя (Muscicapidae)
• Пеначкавыя (Phylloscopidae) (напрыклад, пеначкі)
• Саракушавыя (Laniidae)
• Ткачыкавыя (Ploceidae)
• Уюрковыя (Fringillidae)
• Шпаковыя (Sturnidae)
• Шырокадзюбыя (Eurylamidae)
• Цукровыя птушкі (Promeropidae)
• Drepanidinae

Літаратура

• Вераб’інападобныя // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 92. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• Класіфікатар і сістэматыка Архівавана 10 лістапада 2005.