Вольга Раманаўна Скараход

Вольга Раманаўна Скарахо́д^[1] (12 ліпеня 1915 — 25 чэрвеня 1994) — вучоны ў галіне фізічнай хіміі, доктар хімічных навук (1971), прафесар (1972).

Вольга Раманаўна Скараход
Дата нараджэння	12 ліпеня 1915(1915-07-12)
Месца нараджэння	Брагін, Рэчыцкі павет, Мінская губерня, Расійская імперыя
Дата смерці	25 чэрвеня 1994(1994-06-25) (78 гадоў)
Грамадзянства	СССР  Беларусь
Род дзейнасці	вучоная
Навуковая сфера	фізічная хімія
Месца працы	хімічны факультэт БДУ
Навуковая ступень	доктар хімічных навук (1971)
Навуковае званне	прафесар
Альма-матар	хімічны факультэт БДУ
Узнагароды

Біяграфія

Нарадзілася ў Брагіне (сучасны гарадскі пасёлак у Гомельскай вобласці Беларусі). У 1939 годзе скончыла хімічны факультэт Беларускага дзяржаўнага ўніверсітэта і працавала ў ім да 1986 года. З 1972 года — прафесар кафедры аналітычнай хіміі.

Навуковая дзейнасць

Займалася даследаваннямі малекулярнай, іонаабменнай і ліганднай сорбцыі арганічных кіслот і асноў іонаабменнымі матэрыяламі. Распрацавала метады храматаграфічнага падзелу сумесяў арганічных кіслот і арганічных асноў, сумесяў аміячных комплексаў пераходных металаў, а таксама шэраг экстракцыйна-фотаметрычных методык колькаснага вызначэння металаў у сплавах і мінералах.

Пад кіраўніцтвам В. Р Скараход абаронены 7 кандыдацкіх дысертацый^[2].

Зноскі

1. БелЭн 2002.
2. Скороход Ольга Романовна // История БГУ Архівавана 16 лютага 2022. (руск.)