Вуліца Берсана (Мінск)

Вуліца Берсана — вуліца ў Маскоўскім раёне Мінска. Названа ў гонар Станіслава Ігнатавіча Берсана (1895—1919), савецкага, партыйнага і ваеннага дзеяча, намесніка старшыні Мінскага савета, наркама па справах нацыянальнасцей Заходняй вобласці і фронта, наркама дзяржкантролю Літоўска-Беларускай ССР, расстралянага польскімі легіянерамі.

Вуліца Берсана Мінск
Агульная інфармацыя
Краіна	Беларусь
Горад	Мінск
Раён	Маскоўскі
Найбліжэйшыя станцыі метро	Плошча Леніна
Назва ў гонар	Станіслава Берсана
Медыяфайлы на Вікісховішчы

Забудова

Новы корпус гасцініцы «Мінск»

Будынак Мінскпраекта

• № 3 — будынак Мінскпраекта (1975, архітэктары П. Кракалёў, С. Замараеў, Л. Пагарэлаў)^[1].
• (праспект Незалежнасці, 11/2) — новы корпус гасцініцы «Мінск» (архітэктары С. Мусінскі, Г. Сысоеў, Д. Кудраўцаў)^[1].

Перасячэнні

Перасякаецца з вуліцамі:

• Мяснікова
• Свярдлова

Спроба пераіменавання

Пасля перанясення праху Эдварда Вайніловіча ў Мінск і яго перапахавання каля касцёла Святога Сымона і Святой Алены, вялікая група вернікаў (болей 50 тысяч подпісаў) звярнулася да гарадскіх улад з просьбай аб перайменаванні вуліцы Берсана, якая праходзіць каля Чырвонага касцёла, у вуліцу Вайніловіча. 26 верасня 2007 рашэннем Мінскага гарадскога Савета дэпутатаў вуліца Берсана была перайменавана ў вуліцу Эдварда Вайніловіча. Але праз месяц Міністэрства юстыцыі Рэспублікі Беларусь прыняло пастанову, паводле якой рашэнне гарадскіх улад было прызнана «юрыдычна неабгрунтаваным»^[2].

Зноскі

1. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. Тарас, А. Е.. Костел в нашей жизни / А. Е. Тарас.. — Минск: ФУАинформ, 2010. — С. 51. — 192 с.