Вуліца Карыцкага (Мінск)

Вуліца Карыцкага — вуліца ў Заводскім раёне Мінска. Названа ў гонар Сяргея Дзям’янавіча Карыцкага (1913—1944), камандзіра кавалерыйскага эскадрона, Героя Савецкага Саюза.

Вуліца Карыцкага Мінск
Агульная інфармацыя
Краіна	Беларусь
Горад	Мінск
Раён	Завадскi
Працягласць	260 м
Найбліжэйшыя станцыі метро	Партызанская

Апісанне

Вуліца Карыцкага забудоўвалася ў 1950-я і 1960-я гады. Вуліца злучае вуліцы Пляханава і Жылуновіча.

На скрыжаванні з Пляханава знаходзіцца Мінскі дзяржаўны каледж тэхналогій камунальнай гаспадаркі, на скрыжаванні з Жылуновіча — кінатэатр «Камсамолец»

Цэнтральная частка вуліцы забудавана двухпавярховымі дамамі, а каля скрыжаванняў — трохпавярховымі.

На доме № 1 у 1985 годзе ўстаноўлена мемарыяльная дошка.

Транспарт

Па вуліцы няма руху грамадскага транспарту, але на вуліцы Пляханава ёсць аднайменны прыпынак — Карыцкага, дзе спыняюцца тралейбусы № 35 і № 56.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх