Вуліца Акадэміка Купрэвіча (Мінск)

Вуліца Акадэміка Купрэвіча (руск.: улица Академика Купревича) — вуліца ў Першамайскім раёне Мінска, у жылым раёне Уручча.

Акадэміка Купрэвіча Мінск
Агульная інфармацыя
Краіна	Беларусь
Горад	Мінск
Раён	Першамайскі раён
Працягласць	1,6 км
Найбліжэйшыя станцыі метро	Уручча
Ранейшыя назвы	Жодзінская
Медыяфайлы на Вікісховішчы

Гісторыя

Першапачаткова насіла назву вуліца Жодзінская. У 1997 годзе вуліцы было прысвоена імя выдатнага беларускага біёлага і міколага Васіля Феафілавіча Купрэвіча.

Размяшчэнне

Мае складана выгнутую форму. Пачынаецца ад скрыжавання з вуліцай Францыска Скарыны каля МКАД, з паўднёва-ўсходняга боку прымыкае вуліца Праграмістаў, завяршаецца скрыжаваннем з вуліцай Шугаева — Русіянава, пераходзячы ў апошнюю. Даўжыня вуліцы складае каля 1,6 км.

Забудова

Няцотны бок

Вуліца Акадэміка Купрэвіча з вышыні

• № 1 — Беларускі парк высокіх тэхналогій
• № 3 — Канюшына Парк
• № 3б — EPAM
• № 5/2 — Інстытут біяарганічнай хіміі НАН Беларусі. Узведзены як частка комплексу інстытутаў біяарганічнай хіміі, геахіміі і геафізікі Акадэміі навук БССР (архітэктар М. Вінаградаў, І. Вінаградаў, Г. Гераўкер)^[1].
• № 7 — Інстытут геалагічных навук НАН Беларусі. Узведзены як частка комплексу інстытутаў біяарганічнай хіміі, геахіміі і геафізікі Акадэміі навук БССР (архітэктар М. Вінаградаў, І. Вінаградаў, Г. Гераўкер)^[1].

Цотны бок

• № 2 — Інстытут мікрабіялогіі НАН Беларусі
• № 4 — гасцініца «IT Time»

Будынак Фізіка-тэхнічнага інстытута і Інстытута жыллёва-камунальнай гаспадаркі НАН Беларусі

• № 10 — Фізіка-тэхнічны інстытут і Інстытут жыллёва-камунальнай гаспадаркі НАН Беларусі.
• № 14 — офісны будынак
• № 16 — жылы дом (будуецца)
• гандлёвы цэнтр (будуецца)
• (вул. Русіянава, 51) — Дыспетчарская станцыя «Уручча-2»

Паркі

На рагу вуліц Акадэміка Купрэвіча і Шугаева размешчаны Музей валуноў.

Мемарыяльныя дошкі

Мемарыяльныя дошкі на будынку Фізіка-тэхнічнага інстытута НАН Беларусі

• Мемарыяльная дошка Мікалаю Фёдаравічу Бліадухо, беларускаму геолагу і акадэміку АН БССР, на будынку Інстытута геалагічных навук НАН Беларусі (дом № 7). Устаноўлена ў 1979 г^[2].
• Мемарыяльная дошка Яўмену Рыгоравічу Канавалаву, беларускаму вучонаму ў галіне машынабудавання і акадэміку АН БССР, на будынку Фізіка-тэхнічнага інстытута НАН Беларусі (дом № 10), у якім ён працаваў. Устаноўлена ў 1977 г^[2].

Мемарыяльная дошка Васілю Севярдэнку

• Мемарыяльная дошка Васілю Пятровічу Севярдэнку, беларускаму вучонаму ў галіне металазнаўства і акадэміку АН БССР, на будынку Фізіка-тэхнічнага інстытута НАН Беларусі (дом № 10). Устаноўлена ў 1980 г^[2].

Зноскі

1. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.