Вуліца Чалюскінцаў (Мінск)

Вуліца Чалюскінцаў — вуліца ў Заводскім раёне Мінска. Названа ў імя ўдзельнікаў савецкай экспедыцыі на параходзе «Чалюскін»^[ru][2].

Вуліца Чалюскінцаў Мінск
Агульная інфармацыя
Краіна	Беларусь
Горад	Мінск
Раён	Заводскі
Працягласць	1387 м[1]
Пакрыццё	асфальт
Рух	двухбаковы
Найбліжэйшыя станцыі метро	Аўтазаводская
на Яндэкс.Картах

Іншыя аб’екты ў Мінску, названыя ў імя экспедыцыі чалюскінцаў — Парк Чалюскінцаў і станцыя метро «Парк Чалюскінцаў» знаходзяцца ў раёне скрыжавання праспекта Незалежнасці і вуліцы Талбухіна.

Архітэктура вуліцы ўключае сядзібную забудову і дамы на 2—4 паверхі, узведзеныя ў 1948—1954 гадах^[3]. Пачынаецца ад перасячэння з вуліцай Катоўскага ў раёне ПК МАЗ, ідзе паўкругам, двойчы перасякаючы Радыяльную вуліцу і завяршаецца скрыжаваннем з Цэнтральнай вуліцай^[4].

Адрасы

• Дом 26 — Дзіцячая музычная школа № 14;
• Дамы 11 і 13, пабудаваны ў 1949—1953 і 1951—1954 гадах адпаведна па праектах архітэктара Георгія Заборскага^[5].

Водгукі

На краязнаўча-архітэктурным форуме адзначаюць:

«Вуліца Чалюскінцаў у Мінску захоўвае ў сабе архітэктурную спадчыну пасляваеннага часу. Невялікі шпацыр па вуліцы паказвае змешванне стыляў забудовы: побач з каменнымі дамамі стаяць драўляныя пабудовы. Адзін з мясцовых жыхароў, блогер Ігар Міколаг, адзначае: „Мне падабаецца такі непарадны, аўтэнтычны Мінск“. Дамы, пабудаваныя ў канцы саракавых гадоў, уяўляюць сабой прыклад тыпавой забудовы таго часу. Яны былі прызначаны для работнікаў Мінскай ЦЭЦ-3. Архітэктурныя дэталі, такія як балконы з характэрнымі агароджамі, сведчаць аб стылі таго перыяду. Спалучэнне каменных і драўляных дамоў стварае непаўторнае аблічча вуліцы».^[6]