Чырвоная вуліца (Мінск)

Чырвоная вуліца — вуліца ў Мінску. Знаходзіцца ў Савецкім і Цэнтральным раёнах горада.

Чырвоная вуліца Мінск
Агульная інфармацыя
Краіна	Беларусь
Горад	Мінск
Працягласць	1,1 ± 0,1 км
Найбліжэйшыя станцыі метро	Плошча Якуба Коласа
Медыяфайлы на Вікісховішчы

Назва

Вуліца з’явілася да 1860 года і названа шматзначным словам «Красная», назва захавалася да цяперашняга часу і не звязана з савецкай эпохай. У савецкі час дыктары Дома радыё называлі свой адрас па-беларуску як «вуліца Чырвоная, 4»; назва «Чырвоная» і сёння з’яўляецца афіцыйнай і сустараецца на вулічных шыльдах. Аднак, назва вуліцы выкарыстоўваецца ў значэнні «парадны, ганаровы», таму больш слушнай беларускай назвай была б «Красная»^[1].

Размяшчэнне

Скрыжаванне з праспектам Машэрава

Арыентавана з паўднёвага захаду на паўночны ўсход. Размешчана паміж праспектам Незалежнасці і вуліцай Куйбышава. Пачынаецца ад скрыжавання з вуліцай Камуністычнай каля будынка Міністэрства абароны Беларусі і парку Марата Казея, перасякае вуліцу Кісялёва і праспект Машэрава, з поўначы прымыкае вуліца Пугачоўская, пасля скрыжавання з вуліцай Веры Харужай на плошчы Якуба Коласа пераходзіць у вуліцу Якуба Коласа.

Забудова

Дом № 15

• № 4 — Дом радыё. У будынку размяшчаецца Першы нацыянальны канал Беларускага радыё.
• № 17 — Мінскі фінансава-эканамічны каледж.
• № 17, корпус 1 — сталовая Мінскага фінансава-эканамічнага каледжа (1977, арх. Г. Занеўскі). З’яўляецца найбольш цікавай з пункта гледжання мастацка-вобразай напоўненасці сярод прадпрыемстваў гандлю і бытавога абслугоўвання таго часу. Прыгажосць архітэктурна-прасторавай кампазіцыі, якая будуецца на арганічным спалучэнні некалькіх аб’ёмаў, падкрэсліваецца разнастайнасцю матэрыялаў рознай фактуры і колеру, што стварае непаўторны мастацкі вобраз. Адзін з аб’ёмаў мае гладкую атынкаваную ў белы колер паверхню сцяны, іншы абмураваны чырвонай цэглай з вылучэннем белай тынкоўкай асобных элементаў — бардзюраў лесвіц, аконных рам, дэкаратыўных дэталей у вуглавых частках. Строгія геаметрычныя формы гарманіруюць і з навакольным ландшафтам добраўпарадкаванай тэрыторыі, якая мае рэгулярную сістэму пешаходных алей^[2].
• № 19а — Беларускі дзяржаўны ветэрынарны цэнтр
• № 19б — Мінскі дзяржаўны тэхналагічны каледж

Славутасці

• Шпітальныя могілкі (зніклыя)
• тралейбуснае дэпо

Транспарт

На адрэзку ад праспекта Машэрава да вуліцы Веры Харужай па вуліцы пракладзены трамвайныя пуці.

Скверы

Красны сквер і будынак каледжа

Красны сквер перад Мінскім фінансава-эканамічным каледжам і безназоўны сквер цераз дарогу ад яго. Сквер на плошчы Якуба Коласа.

Зноскі

1. https://web.archive.org/web/20190929030015/https://news.tut.by/culture/528773.html
2. Захарына Ю. Ю. Мастацкі вобраз архітэктуры Беларусі апошняй чвэрці XX — пачатку XXI стагоддзя: манаграфія / Ю. Ю. Захарына. — Мн.: БДПУ, 2008. — 224 с.