Вуліца Веры Харужай (Мінск)

У паняцця ёсць і іншыя значэнні, гл. вуліца Веры Харужай.

Вуліца Веры Харужай — вуліца ў Савецкім і Цэнтральным раёнах Мінска. Названа ў гонар Веры Захараўны Харужай (1903—1942), удзельніцы вызваленчага руху ў Заходняй Беларусі, аднаго з арганізатараў антыфашысцкага падполля ў Віцебску.

Вуліца Веры Харужай Мінск
Агульная інфармацыя
Краіна	Беларусь
Горад	Мінск
Раён	Савецкі, Цэнтральны
Найбліжэйшыя станцыі метро	Плошча Якуба Коласа
Назва ў гонар	Веры Харужай
Медыяфайлы на Вікісховішчы

Перасячэнні

Ідзе ад плошчы Якуба Коласа. Перасякаецца з вуліцамі:

• Якуба Коласа
• Куйбышава
• Максіма Багдановіча
• Старавіленская
• Крапоткіна
• Гая
• Бульвар Шаўчэнкі
• Чарвякова
• Старавіленскі тракт

Забудова

• № 21 — жылы дом з крамай «Кірмаш» (архітэктары В. Ачайкін, В. Ладыгіна). Першапачаткова гэта быў універмаг «Зорка» (руск.: универмаг «Звезда»)^[1]. 2 ліпеня 2007 крама стала філіялам УП «Кірмаш»^[2].
• № 29 — будынак інстытута «БелНДІдзіпрасельбуд» (1973, архітэктары І. Боўт, Л. Сагалаў, У. Сакалоўскі)^[3].
• дамы №10/1, 14, 18/1, 22, 24/2 атрымалі мянушку "кукурузы" па прычыне сваёй архітэктурнай формы^[4].

Славутыя жыхары

У доме № 48 па вул. В. Харужай у 1967—1973 гг. жыў Уладзімір Караткевіч. Таксама пэўны час на гэтай вуліцы жылі паэты Анатоль Вярцінскі і Алесь Разанаў^[5], мовазнавец Зміцер Саўка^[6].

Зноскі

1. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. УП «КИРМАШ». Краткая история
3. 329. Будынак інстытута «БелНДІдзіпрасельбуд» // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
4. Городской фольклор Минска: «бигуди», «гарлем», «помойка» и другое Архівавана 18 верасня 2021. //Інтэрфакс
5. https://belisrael.info/?p=24897
6. https://nn.by/?c=ar&i=178667