Выемка

Вы́емка^[1] (трансліт.: Vyjemka, руск.: Выемка) — вёска ў Пухавіцкім раёне Мінскай вобласці, на рацэ Пціч. Уваходзіць у склад Шацкага сельсавета.

Вёска Выемка Краіна Беларусь Вобласць Мінская Раён Пухавіцкі Сельсавет Шацкі Каардынаты 53°18′59″ пн. ш. 27°59′04″ у. д.HGЯO Водныя аб’екты Пціч Насельніцтва ▼9 чал. (2019) Часавы пояс UTC+3 Тэлефонны код +375 1713 Аўтамабільны код 5 СААТА 6244890010 Выемка на карце Беларусі ±

Назва

Выемка — паглыбленне на полі, дарозе, кар’ер або нізкае месца, нізіна^[2]. Раней урочышча Выемка (Выямкі) месцілся на поўдзень на цяперашняй вёскі, у балоцістай мясцовасці^[3].

Гісторыя

Вядома з XX стагоддзя, дагэтуль на картах не абазначалася. Паводле перапісу 1908 года ўрочышча Выямкі (руск.: Выямки) у Амяльнянскай воласці Ігуменскага павета Мінскай губерні^[4]. Паводле перапісу 1917 года хутар Выемка^[5].

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. Жыхары Амяльнянскай воласці накіроўвалі звароты ў Народны Сакратарыят Беларусі са скаргамі на дзеянні нямецкіх акупацыйных улад^[6]. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. Паводле карты 1926 года, пасёлак Выемка месціўся на поўдзень ад цяперашняга паселішча, на ўсход ад Ямнага, а на месцы цяперашняй Выемкі быў пасёлак Алесіў Гай на 8 двароў^[7]. Перад вайной у Выемцы было 8 двароў, у Алесівым Гаі было 12 двароў^[8].

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

Да 5 траўня 1962 года вёска ўваходзіла ў склад Варашылаўскага сельсавета, пасля — у складзе Селецкага сельсавета^[9]. Да 29 чэрвеня 2006 года вёска ўваходзіла ў склад Селецкага сельсавета^[10]. З 2006 года па 28 траўня 2013 года ў складзе Вецярэвіцкага сельсавета^[11].

Насельніцтва

• 1908 год — 2 двары, 11 жыхароў^[4]
• 1917 год — 1 двор, 7 жыхароў, усе беларусы^[5]
• 1926 год — 6 двароў, 25 жыхароў
• 1960 год — 113 жыхароў
• 2009 год — 12 жыхароў^[12]
• 2019 год — 9 жыхароў^[13]