Вялікі Лес (лясны масіў)

У паняцця ёсць і іншыя значэнні, гл. Вялікі Лес.

Вялі́кі Лес — лясны масіў у Горацкім раёне Магілёўскай вобласці Беларусі ў міжрэччы Басі і Проні на поўдзень ад в. Жавань. Плошча каля 800 га.

Рэльеф узгорысты. Пераважаюць яловыя лясы (кіслічныя, радзей імшыстыя і чарнічныя) і вытворныя асіннікі і бярэзнікі на дзярнова-падзолістых пылавата-сугліністых глебах. Паніжэнні пад асакова-сфагнавымі бярэзнікамі. Сярод ельнікаў невялікія ўчасткі кіслічна-сніткавых дуброў.

Літаратура

• Вялікі Лес // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.