Вясейка

Вясе́йка, Вясея — рака ў Слуцкім раёне Мінскай вобласці Беларусі, левы прыток ракі Случ (басейн Дняпра).

Вясейка
Характарыстыка
Даўжыня	28,1 км
Басейн	307 км²
Вадацёк
Выток
• Вышыня	больш за 163,6[1] м
• Каардынаты	53°14′11″ пн. ш. 27°49′02″ у. д.HGЯO
Вусце	рака Случ
• Месцазнаходжанне	каля вёскі Вялікая Падзер
• Вышыня	149,3[1] м
• Каардынаты	53°02′16″ пн. ш. 27°37′11″ у. д.HGЯO
Размяшчэнне
Водная сістэма	Случ → Прыпяць → Дняпро → Чорнае мора
Краіна	Беларусь
Рэгіён	Мінская вобласць
Раён	Слуцкі раён
выток вусце
— выток, — вусце

Назва

Паводле К. Бугі, адпачатная балцкая форма гідроніма — *Vesija, таго ж паходжання, што і назва літоўскай ракі Vėsa^[2]. Гідронім Vėsa А. Ванагас звязваў з літоўскім vėsus "прахалодны"^[3].

Гідраграфія

Даўжыня ракі 28,1 км. Плошча вадазбору 307 км². Сярэдні нахіл воднай паверхні 0,5 ‰. Пачынаецца каля вёскі Шантароўшчына (прыкладна за 2 км у напрамку на паўднёвы захад ад вёскі Рудзіца Пухавіцкага раёна^[1]) і цячэ па паўднёва-заходняй ускраіне Цэнтральнабярэзінскай раўніны. Упадае ў Случ за 2,5 км на ўсход ад Слуцка, каля вёскі Вялікая Падзер.

Асноўныя прытокі — Худра, Сярэдняя Вясейка і Ніжняя Вясейка (леваруч).

Каля ракі аграгарадок Вясея^[4], вёскі Жылін Брод, Ізбудзішча, Новая Ніва.

Зноскі

1. Ліст карты N-35-104. Выданне 1987 г. Стан мясцовасці на 1983 г. (руск.)
2. K. Būga. Rinktiniai raštai. — Vilnius, 1961. — Т. III. — С. 545.
3. A. Vanagas. Lietuvių hidronimų etimologinis žodynas. — Vilnius, 1981. — С. 376.
4. Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 401. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).