Віка пасяўная

Ві́ка пасяўная, Віка яравая, Гарошак пасяўны^[1] (Vicia sativa) — кветкавая расліна, від роду Гарошак (Vicia) сямейства Бабовыя (Fabaceae).

Віка пасяўная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Бабовыя Род:  Гарошак Падрод:  Vicia Секцыя:  Vicia Від:  Віка пасяўная
Міжнародная навуковая назва
Vicia sativa L. (1753)
Падвід
Vicia sativa nigra — Гарошак вузкалісты
Сістэматыка на Віківідах Выявы на Вікісховішчы ITIS   26355 NCBI   3908 EOL   703227 GRIN   t:300667 IPNI   525117-1 TPL   ild-7851

Назва

Гарошак пасяўны, віка, віка сеўная^[2], выка^[3], выка сеўная^[4][5].

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Аднагадовая травяністая расліна. Сцябло тонкае, галінастае, даўжынёй 40—110 см, палягае. Лісце чаргаванае, на чаранках, парнаперыстае, апушанае, з гладкім краем. Кветкі сядзячыя, з пяццю пялёсткамі, фіялетава-пурпуровыя, ружовыя. Плод — шматнасенны струк.

Святлолюбівая расліна, мезафіт і мезатроф^[6].

Падвіды

• Vicia sativa nigra — Гарошак вузкалісты^[7]

Значэнне і выкарыстанне

Культывуецца з XVIII стагоддзя. Кармавая расліна. Добра расце на някіслых гліністых і сугліністых або тарфяна-балотных глебах. У севазваротах размяшчаецца пасля збожжавых і прапашных культур. Абагачае глебу азотам. У сумесі з аўсом дае высакаякасны зялёны корм, сена, сілас. Расце як пустазелле на пустках, пашах і агародах, каля дарог, на лугах і аблогах, у парках і садах, па берагах рэк і ручаёў^[6].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 141. — 160 с. — 2 350 экз.
2. З. Верас, Беларуска-польска-расейска-лацінскі ботанічны слоўнік, Выданне газеты «Голас беларуса», Друкарня С. Бэкэра. — Вільня, Субач 2, 1924.
3. Шатэрнік М. В. Краёвы слоўнік Чэрвеньшчыны. — Мінск, 1929
4. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. — Горы-Горкі, 1927.
5. Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. — Горы-Горки, 1927.
6. Горошек посевной: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
7. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 141. — 160 с. — 2 350 экз. — у крыніцы пад назвай Vicia angustifolia