Гарошак вузкалісты

Гаро́шак вузкалісты^[1] (Vicia sativa subsp. nigra, Vicia angustifolia) — кветкавая расліна роду Гарошак (Vicia) сямейства Бабовыя (Fabaceae). Лічыцца асобным відам, або падвідам Гарошка пасяўнога (Vicia sativa).

Гарошак вузкалісты
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Бабовыя Род:  Гарошак Від:  Гарошак вузкалісты
Міжнародная навуковая назва
Vicia sativa subsp. nigra (L.) Ehrh., 1780
Выявы на Вікісховішчы ITIS   26330 EOL   1230328 GRIN   t:41566 IPNI   30108541-2 TPL   ild-7854

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Аднагадовая травяністая расліна. Сцябло 15—60^[1] (15—80 (90)^[2])см у даўжыню, тонкае, узыходнае каля асновы. Лісце чаргаванае па даўжыні сцябла, апушанае, з зубчастымі прылісткамі і складаецца з 4—6^[1] пар лісткоў. Вось ліста заканчваецца вусікам. Лісткі вузкія, суцэльныя, 2,5—3^[2] см у даўжыню, 2—3 ^[2]мм у шырыню. Кветкі буйныя, з пяццю^[3] пялёсткамі, адзінкавыя або па 2 у пазухах лісця, амаль сядзячыя. Колер кветак пурпурова-фіялетавы. Плод — лінейны вузкі струк. Насенне цёмна-бурае, амаль чорнае, часам з плямамі, 2—2,5^[2] мм у дыяметры.

Распаўсюджанне і экалогія

Гарошак вузкалісты распаўсюджаны на тэрыторыі Еўропы, Азіі і Афрыкі. Заносны від у іншых рэгіёнах. Святлолюбівая расліна, мезафіт і мезатроф^[3]. Сустракаецца на лугах, пашах і агародах, узлесках, у хмызняках, парках і садах, па берагах вадаёмаў, на камяністых россыпах, аблогах, пустках. Цвіце ў чэрвені—ліпені. Плады паспяваюць у ліпені—жніўні.

Гаспадарчае значэнне

Пустазелле зерневых і прапашных культур. Каштоўная кармавая расліна, па якасці не саступае гарошку пасяўному^[2].

Зноскі

1. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
2. Агроэкологический атлас России и сопредельных стран: экономически значимые растения, их болезни, вредители и сорные растения (руск.)
3. Горошек узколистный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)